संधी मिळाली तर आनंदच

प्रत्यूषा बॅनर्जीला जर ‘बिग बॉस’च्या नवीन पर्वात येण्याची संधी मिळाली तर ती आनंदाने यात सहभागी होण्यास तयार आहे. असे प्रत्यूषाने एका प्रसिध्द मीडिया हाऊससोबत बोलताना सांगितले.

तिच्या मते, ‘जर मला पुन्हा बिग बॉसच्या घरात येण्याची संधी मिळाली तर मी नक्की येईन. जेव्हा मी बिग बॉस 7 मधून बाहेर झाले तेव्हा माझ्यासाठी परत जाणे कठीण होते. मी तिथे घालवलेले तीन महिने अजूनही आठवतात. तो माझ्यासाठी वाईट अनुभव नव्हता. ‘प्रत्यूषाने नुकतीच, जिंग टीव्हीची रोमँटिक मालिका ‘प्यार तूने क्या किया’चे शूटिंग संपवले. याविषयी प्रत्यूषाने सांगितले, की एक अभिनेत्री असल्याने मी या मालिकेने संतुष्ट आहे. ही मालिका केवळ 13 एपिसोडची असून प्रत्येक एपिसोडसाठी नवीन चेहरा घेण्यात आला आहे.