अक्षयकुार व रजनीकांत यांच्याबरोबर वेगवेगळ्या चित्रपटांमध्ये काम करणारी अभिनेत्री ऐश्र्वर्याराय बच्चन आता या दोन्ही कलाकारांचा आगामी चित्रपट 2.0 शी जोडली गेली आहे. रजनीजी व अक्षय यांच्या या चित्रपटात ऐश्र्वर्या पाहुण्या कलाकाराच्या भूमिकेत पाहायला मिळणार आहे. सूत्रांच्या म्हणण्यानुसार, 2.0 च्या मागील भागामध्ये ऐश्र्वर्याने मुख्य भूमिका साकारली होती. त्यामुळे आता तिला 2.0 मध्येही घेण्यात आले आहे. या चित्रपटामध्ये तिची छोटीशी, परंतु महत्त्वपूर्ण भूमिका असेल. इतकेच नव्हे, तर ऐश्र्वर्याने या चित्रपटासाठी आपल्या वाट्याचे शूटिंगदेखील आटोपले असल्याची चर्चा आहे. खरे तर याविषयी अद्याप कोणतीही अधिकृत घोषणा करण्यात आलेली नाही. ऐश्र्वर्या तूर्तास फन्ने खां या चित्रपटाध्ये दिसून येणार आहे. याशिवाय अन्य काही चित्रपटांतही मुख्य भूमिका साकारण्यासाठी तिला अप्रोच करण्यात आले आहे. अलीकडेच दिलेल्या एका मुलाखतीत ऐश्र्वर्याने काही नव्या चित्रपटांविषयी चर्चा सुरू असल्याचा खुलासा केला होता.