लोकप्रिय टीव्ही शो 'मीत : बदलेगी दुनिया की रीत'शी संबंधित एक धक्कादायक बातमी समोर येत आहे. या मालिकेच्या सेटवर आग लागली होती. अचानक लागलेल्या आगीमुळे सर्वांनाच आश्चर्याचा धक्का बसला आहे. अखेर, शोची अभिनेत्री आशी सिंहने सेटला आग कशी लागली याची माहिती शेअर केली आहे. मीरा रोड शोच्या सेटवर आग लागली होती. शॉर्ट सर्किटमुळे आग लागल्याचे अभिनेत्रीचे म्हणणे आहे.
मीडिया रिपोर्ट्सनुसार, सेटवरील एका रूमच्या एअर कंडिशनरमध्ये शॉर्ट सर्किट झाले. त्यामुळे सेटवर आग लागली. ती खोली पूर्णपणे जळाली आहे. मात्र, त्याच खोलीत ठेवलेले कॅमेरे व इतर उपकरणे वेळीच बाहेर काढण्यात आली.
वेळीच परिस्थिती नियंत्रणात आली. आगीमुळे यात कोणतीही जीवितहानी झाल्याची माहिती नाही. याशिवाय शॉर्ट सर्किटचे मूळ कारण शोधण्यासाठी सध्या तपास सुरू आहे, जेणेकरून भविष्यात होणारे अपघात टाळता येतील.
सेटवरचे लोक ठीक आहेत. आग लागली होती, मात्र ती एका खोलीत बंदिस्त होती. त्या खोलीचा एसी चांगला नव्हता. प्रत्येकजण सुरक्षित आहे, कारण त्या खोलीत कोणीही नव्हते. सर्वजण सेटवर होते आणि आम्ही शूटिंग पुन्हा सुरू केले होते. आता सर्व काही चांगले आणि सुरक्षित आहे. काळजी करण्यासारखे काही नाही.'असे अभिनेत्री आशी म्हणाली.