बंगाली चित्रपटसृष्टीतून सातत्याने वाईट बातम्या येत आहेत. अलीकडेच बंगाली चित्रपट अभिनेत्री पल्लवी डे नंतर बिदिशा दे मजुमदारच्या निधनाची बातमी समोर आली. आणि आता आणखी एका अभिनेत्रीचा संशयास्पद अवस्थेत मृत्यू झाला आहे. बिदिशा डे यांची मैत्रिण आणि बंगाली अभिनेत्री मॉडेल मंजुषा नियोगी यांचे शुक्रवारी निधन झाले. मंजुषाचा मृतदेह तिच्या फ्लॅटवर लटकलेला आढळला. याप्रकरणी पोलिसांनी तपास सुरू केला आहे. सध्या बंगाली चित्रपटसृष्टीत एवढ्या हृदयद्रावक घटना समोर येण्याचे कारण काय, याचे सर्वांनाच आश्चर्य वाटत आहे.
कोण आहे मंजुषा नियोगी
मंजुषा नियोगी व्यवसायाने मॉडेल असून नुकताच या अभिनेत्रीचा मृतदेह पाटोली येथील घरात लटकलेल्या अवस्थेत आढळून आला होता. मंजुषाने काही टीव्ही शोमध्ये छोट्या भूमिका केल्या आहेत. कांची टीव्ही शोमध्ये ती नर्सच्या भूमिकेत दिसली होती. ती इंडस्ट्रीत तिचं करिअर घडवण्यात गुंतली होती.
मैत्रीणीच्या मृत्यूने नैराश्य
मंजुषाच्या आईने पोलिसांना सांगितले की, तिची मैत्रिण बिदिशाच्या मृत्यूनंतर ती नैराश्याशी झुंज देत होती. सध्या पोलिसांनी मंजुषाने आत्महत्या केली आहे की, काही गैरकृत्य आहे का, याचा तपास सुरू केला आहे.
बेडरूममध्ये मृतदेह सापडला
शुक्रवारी सकाळी मंजुषाचे आई-वडील त्यांच्या मुलीला सतत फोन करत होते. मात्र कोणताही प्रतिसाद न मिळाल्याने पालक काळजीत पडले आणि त्यांनी मुलीच्या बेडरूममध्ये पाहिले, मुलीचा मृतदेह फासावर लटकलेला होता. सध्या पोलिसांनी या प्रकरणाचा तपास सुरू केला आहे.
मंजुषाची मैत्रिण बिदिशा हिने दोन दिवसांपूर्वी आत्महत्या केली होती
बुधवारी मंजुषाची मैत्रिण बिदिशा दे मजुमदार हिने आत्महत्या केली होती. 21 वर्षीय बिदिशाचा मृतदेह तिच्या भाड्याच्या अपार्टमेंटमध्ये लटकलेल्या अवस्थेत आढळून आला. या फ्लॅटमध्ये ती तिच्या प्रियकरासोबत राहत होती. या दोघांच्या नात्यात दुरावा निर्माण झाल्याचे मीडिया रिपोर्ट्समध्ये म्हटले आहे.