सलमानच्या घरावर गोळीबार प्रकरणी मुंबई पोलिसांनी नवीन गुन्हा दाखल करत आरोपीला राजस्थानमधून अटक

बॉलिवूडचा सुपरस्टार सलमान खानच्या घरावर झालेल्या गोळीबार प्रकरणात एक नवीन अपडेट समोर येत आहे. याप्रकरणी मुंबई पोलिसांनी नवीन गुन्हा दाखल केला आहे. गुन्हेगारी प्रवृत्तीच्या आरोपाखाली पोलिसांनी राजस्थानमधून एका व्यक्तीला अटक केली आहे. गुन्हे शाखेच्या अधिकाऱ्याने सांगितले की, बनवारीलाल लातुरलाल गुजर असे आरोपीचे नाव असून तो बुंदी, राजस्थानचा रहिवासी आहे. सलमानला मारणार असल्याचे सांगत आरोपीने व्हिडिओ जारी केला होता. 

या प्रकरणात 27 वर्षीय बनवारीलाल लातुरलाल गुजर यांनी त्यांच्या यूट्यूब चॅनलवर कथितपणे एक व्हिडिओ अपलोड केला होता ज्यामध्ये त्यांनी म्हटले होते की, 'लॉरेन्स बिश्नोई, गोल्डी ब्रार आणि टोळीचे इतर सदस्य आहेत माझ्यासोबत आणि मी सलमान खानला मारणार आहे कारण त्याने अद्याप माफी मागितलेली नाही.

आरोपीने राजस्थानमधील एका हायवेवर व्हिडिओ बनवून आपल्या चॅनलवर अपलोड केला. अधिकाऱ्याने सांगितले की, प्रकरणाचे गांभीर्य लक्षात घेऊन तपासासाठी एक पथक राजस्थानला पाठवण्यात आले असून आरोपीला अटक करण्यात आली आहे.  भारतीय दंड संहितेच्या संबंधित कलमांतर्गत त्याला अटक करण्यात आली आहे. यामध्ये कलम 506(2) (गुन्हेगारी धमकीसाठी शिक्षा) आणि माहिती तंत्रज्ञान (आयटी) कायद्यातील तरतुदींचा समावेश आहे. याशिवाय या प्रकरणाचा तपास सुरू आहे. 

Edited by - Priya Dixit