मुंबई क्राईम ब्रँचच्या प्रॉपर्टी सेलने राज कुंद्रा पॉर्नोग्राफी प्रकरणी आणखी चार आरोपींना अटक केली आहे. यातील तिघांवर वेब सीरिजच्या शूटिंगदरम्यान एका अभिनेत्रीवर जबरदस्तीने बलात्कार केल्याचा आरोप आहे. याप्रकरणी पोलिसांनी नरेश रामावतार पाल (२९), सलीम सय्यद (३२), अब्दुल सईद (२४), अमन बरनवाल (२२) यांच्यासह चार फरार आरोपींना अटक केली आहे. मिड डेच्या वृत्तानुसार, या वेब सीरिजच्या शूटिंगसाठी आरोपींना प्रत्येकी दोन हजार रुपये देण्यात आले होते.
पोलिसांकडून मिळालेल्या माहितीनुसार, नरेश रामावतार पाल हे कास्टिंग डायरेक्टर आहेत. एका अश्लील चित्रपटाच्या शूटिंगसाठी त्याने अभिनेत्याला जबरदस्तीने मढ येथील बंगल्यात नेले. त्याच्यासोबत सलीम सय्यद, अब्दुल सईद आणि अमन बरनवाल हे तीन आरोपी होते. पाल गोवा आणि शिमल्यात लपून बसल्याचे पोलिसांनी सांगितले. गुरुवारी पाल वर्सोव्यात पोहोचल्याची माहिती पोलिसांना मिळाली होती, त्यानंतर त्याला अटक करण्यात आली. यानंतर या प्रकरणातील इतर आरोपींनाही वर्सोवा आणि बोरिवली येथून पकडण्यात आले.