कांटा लगा या गाण्यासाठी शेफाली जरीवालाला इतके पैसे मिळाले

म्युझिक इंडस्ट्रीमध्ये एके काळी अशी वेळ आली जेव्हा सर्वत्र रिमिक्स गाण्यांचा आवाज ऐकू यायचा. त्या काळात एक रिमिक्स गाणे आले आणि ते येताच लोकांमध्ये लोकप्रिय झाले. ते गाणं होतं 'कांटा लगा'. या गाण्याने त्यात दिसलेली अभिनेत्री शेफाली जरीवालाही रातोरात लोकप्रिय झाली.

अलीकडेच शेफाली जरीवालाने एका मुलाखतीदरम्यान या गाण्याविषयी काही गोष्टी सांगितल्या होत्या. शेफाली म्हणाली, माझ्या वडिलांनी मला हे गाणे गाण्यास मनाई केली होती. मी त्यावेळी कॉलेजमध्ये होते आणि माझ्या पालकांना मी माझ्या अभ्यासावर लक्ष केंद्रित करावे अशी इच्छा होती. पण मला हे गाणं करायचं होतं कारण त्यासाठी मला मोबदला मिळत होता.

शेफाली म्हणाली होती की, मला या गाण्यासाठी 7 हजार रुपये मिळाले होते आणि मला स्वतःला टीव्हीवर बघायचे होते. आता माझे वडील विरोधात असल्याने मी आधी आईला विश्वासात घेतले. मग आम्ही दोघांनी मिळून पप्पाला पटवले. हे गाणे हिट झाले आणि माझे संपूर्ण आयुष्यच बदलून गेले.

शेफालीने सांगितले होते की, जेव्हा कोणी तिला कांटा लगा'गण्यातील मुलगी म्हणते तेव्हा तिला खूप आनंद मिळतो. ती स्वतःसाठी यापेक्षा मोठी प्रशंसा म्हणून काहीही मानत नाही. या गाण्यानंतर शेफालीला खूप काम मिळू लागले. ती काही चित्रपट आणि अनेक म्युझिक व्हिडिओंमध्येही दिसली.

हे गाणे हिट झाल्यानंतर शेफालीने काही म्युझिक व्हिडिओ केले आणि त्यानंतर ती पराग त्यागीसोबत नच बलिए 5 मध्ये दिसली. यानंतर, 2018 मध्ये शेफाली ऑल्ट बालाजीच्या बेबी कम ना या वेब सीरिजमध्ये दिसली. यानंतर ती बिग बॉस 13 मध्येही दिसली.

Edited By - Priya Dixit