प्रसिद्ध गायक सोनू निगमला धक्का, कन्नड चित्रपटातून गायकाचे गाणे काढून टाकले

Bollywood News: बॉलिवूडचा प्रसिद्ध पार्श्वगायक सोनू निगम गेल्या काही दिवसांपासून वादात सापडला आहे. २५ एप्रिल रोजी, सोनू निगमने बेंगळुरूमधील त्याच्या संगीत कार्यक्रमादरम्यान एका चाहत्याला फटकारले. 

खरंतर, तो चाहता वारंवार सोनू निगमला कन्नडमध्ये गाणे गाण्यासाठी ओरडत होता. पण पहलगाम हल्ल्याचा उल्लेख करून सोनू निगम अडचणीत आला. यानंतर, एका कन्नड समर्थक संघटनेने सोनू निगमविरुद्ध पोलिस तक्रार दाखल केली.

वाद वाढल्यानंतर सोनू निगमने त्याच्या कन्नड चाहत्यांची माफीही मागितली. पण तरीही कन्नड चित्रपट उद्योगाने सोनू निगमविरुद्ध कठोर निर्णय घेतला आहे. सोनू निगमने गायलेले गाणे 'कुढल्ली किलावुडो' या आगामी कन्नड चित्रपटातून काढून टाकण्यात आले आहे. चित्रपटाच्या निर्मात्यांनी एक निवेदन जारी करून म्हटले आहे की, सोनू निगम एक चांगला गायक आहे यात काही शंका नाही. पण, अलिकडच्याच एका संगीत कार्यक्रमात त्याने कन्नड भाषेबद्दल ज्या पद्धतीने बोलले त्यामुळे आम्हाला खूप वाईट वाटले आहे. सोनू निगमने केलेला कन्नड भाषेचा अपमान आम्हाला सहन होत नाही, म्हणून आम्ही ते गाणे काढून टाकले आहे.

Edited By- Dhanashri Naik