विद्या बालन नेहमीच तिच्या वेगळ्या स्टाईलमुळे ओळखली जाते. त्यातही तिचे झुमके व साड्या यांची नेहमीच तारीफ होते. विद्या सांगते तिला झुमके फारच आवडतात व त्यामुळे तिला गिफ्ट काय द्यावी असा जर कुणाला प्रश्न पडत असेल तर त्याचे उत्तर झुमके आणि साडी असे आहे.
ही गिफ्ट विद्याला अन्य कोणत्याही गिफ्टपेक्षा नक्कीच पसंत पडते. विद्याचे हे झुमके प्रेम कॉलेज जीवनापासून आहे ते आजही कमी झालेले नाही. झुमके खरेदीची तिची आवडती ठिकाणे आहेत लोकल ट्रेन्स, चेंबूरमधले लक्ष्मी मार्केट व वेळोवेळी लागणारी प्रदर्शने.
कॉलेजमध्ये असताना ती या ठिकाणी झुमके खरेदी आवर्जून करत असे व टाइमपास करण्यासाठी झुमके खरेदी हा तिचा फेव्हरीट ट्रेंड होता. तिला चंदेरी झुमके जास्त पसंत पडतात व कॉलेज काळात खरेदी केलेले वेगवेगळे झुमके तिने आजही जपून ठेवले आहेत.