‘खल्लास गर्ल’चे पुनरागमन!

चित्रपटांमुळे बराच काळ चर्चेत राहिलेली ‘खल्लास गर्ल’ म्हणजेच इशा कोप्पीकर गेली चार वर्षे बॉलीवूडमधून गायबच झाली आहे. पण आता मात्र ती ‘अस्सी नब्बे पुरे सौ’ या चित्रपटामधून बॉलिवूडमध्ये पुनरागमन करणार असून यात तिच्यासोबत ‘चष्मेबहाद्दुर’ फेम दिवेंदु शर्मा काम करणार आहे.

या चित्रपटाचा फर्स्ट लुक नुकताच प्रसिद्ध करण्यात आला. या चित्रपटातून इशा बॉलिवूडमध्ये पुनरागमन करीत असून याविषयी बोलताना ती म्हणाली, या चित्रपटात मी चार वर्षानंतर काम करीत असून या चित्रपटाची कथा एवढी जबरदस्त आहे की मला पुनरागमनासाठी हाच चित्रपट निवडावा लागला. या चित्रपटाचे दिग्दर्शन अंकुर भाटिया करणार आहे.