येत्या सोमवारपासून मर्यादीत मार्गांवर देशांतर्गत विमान सेवा सुरु होणार आहे. त्यासाठी एअरपोर्ट अथॉरिटी ऑफ इंडियाकडून गुरुवारी मार्गदर्शकतत्वे जारी करण्यात आली.
हवाई प्रवासासाठी हे नियम असतील
– विमान उड्डाणाच्या नियोजितवेळेच्या दोन तास आधी प्रवाशांना विमानतळावर पोहोचावे लागेल.
– प्रवाशांना मास्क आणि ग्लोव्हज घालणे बंधनकारक असेल.
– पुढच्या चार तासांनी ज्यांचे विमान आहे, त्यांनाच फक्त टर्मिनल बिल्डींगमध्ये प्रवेश दिला जाईल.
– टर्मिनल बिल्डींगमध्ये प्रवेश देण्याआधी प्रवाशांची थर्मल स्क्रीनिंग चाचणी करण्यात येईल.
– १४ वर्ष वयोगटाच्या आतील मुलांसाठी आरोग्य सेतू अ‍ॅप बंधनकारक नाही. ज्यांच्या अ‍ॅपवर हिरवं चिन्ह येणार नाही, त्यांना एअर पोर्टवर प्रवेश मिळणार नाही.
– शक्यतो ट्रॉलीचा वापर टाळण्याचा प्रयत्न असेल. पण विनंती केल्यास ट्रॉली उपलब्ध करुन दिली जाऊ शकते.
– टर्मिनलमध्ये प्रवेश करण्याआधी सामानाचे सॅनिटायझेशन केले जाईल.
– काऊंटरवरील स्टाफला फेस शिल्ड घालावे लागेल किंवा काच मध्ये आवश्यक आहे.
– सोशल डिस्टन्सिंग आणि अन्य नियमांबद्दल सातत्याने घोषणा केल्या जातील.
– एअरपोर्ट स्टाफला पीपीई किट बंधनकारक आहे तसेच कर्मचारी आणि प्रवाशांसाठी सॅनिटायझर ठेवावे लागेल.