यूपीमधील कोरोना संक्रमित लोकांच्या 109 नमुन्यांच्या जीनोम सिक्वान्सिंगपैकी दोनमध्ये कप्पाचे व्हेरियंट सापडले आहेत.तर 107 रुग्णांमध्ये डेल्टा व्हेरियंट सापडले आहेत.केजीएमयूच्या मायक्रोबायोलॉजी विभागात या नमुन्यांची जीनोम सिक्वान्सिंग करण्यात आली. विभाग प्रमुख प्रा. मिता जैन म्हणतात की कप्पा व्हेरिएंटमुळे घाबरण्यासारखे काहीही नाही.
दोन्ही व्हेरियंट राज्यात नवीन नाहीत. संसर्ग रोखण्याच्या सामान्य नियमांचे पालन करून हे टाळता येऊ शकते. यूपीमधील पहिला कप्पा व्हेरियंट गोरखपूरच्या बीआरडी मेडिकल कॉलेजमध्ये दाखल केलेल्या रूग्णाच्या नमुन्याच्या जीनोम सिक्वान्सिंगमध्ये आढळला.
संत कबीर नगर येथील उत्तरपाती खेड्यातील रहिवासी असलेल्या 65 वर्षांच्या या रुग्णाचा जून महिन्यात मृत्यू झाला आहे.आता केजीएमयू येथे केलेल्या जीनोम सिक्वेंसींगमध्ये दोन नवीन प्रकरणे आढळली आहेत. तज्ज्ञांचे म्हणणे आहे की डेल्टा व्हेरियंटच्या म्युटेशन नेच कप्पा व्हेरियंट तयार झाला आहे. कप्पा व्हेरियंट B1.617 वंशाच्या म्युटेशनातून उद्भवले आहे.
हे आधीपासूनच देशात सापडले आहे. B.1.617चे अनेक म्युटेशन झाले आहेत. त्यापैकी E484Qआणि E484Kमुळे याला कप्पा व्हेरियंट म्हणतात.त्याचप्रमाणे बी.1.617.2 हा डेल्टा व्हेरियंट म्हणून ओळखला जातो, जो भारतात कोरोनाच्या दुसर्‍या लाटेसाठी जबाबदार असल्याचे मानले जाते.
खोकला, ताप, घसा खवखवणे यासारखे लक्षणे
तज्ज्ञांच्या मते, कप्प्या व्हेरियंट दुसर्‍या लाटेसाठी जबाबदार असलेल्या डेल्टा व्हेरियंटपेक्षा जास्त संक्रामक आहे. परंतु डेल्टा प्लसपेक्षा कमी धोकादायक आहे.खोकला,ताप,घसा खवखवणे यासारखी प्राथमिक लक्षणे देखील आहेत. यानंतर इतर लक्षणे कोरोना विषाणूच्या पूर्वीच्या व्हेरियंट सारखीच आहेत.
या व्हेरिएंटवर सध्या संशोधन चालू आहे. कोरोना विषाणूच्या इतर स्ट्रेन प्रमाणेच,कप्पा व्हेरियंट टाळण्यासाठी मास्क घालणे,गर्दीत बाहेर जाणे टाळणे,वेळोवेळी हात धुण्या सारखे नियम पाळावे लागतील. खोकला-सर्दी तापाची कोणतीही लक्षणे आढळल्यास,आपण चाचणी करण्यासह स्वतःला वेगळे ठेवणे आवश्यक आहे.