AUS vs PAK: पाकिस्तानने ऑस्ट्रेलियासमोर शरणागती पत्करली

AUS vs PAK Pakistan surrenders in front of Australia पाच वेळचा चॅम्पियन ऑस्ट्रेलियाने ICC क्रिकेट विश्वचषक 2023 मध्ये पाकिस्तानचा उच्च स्कोअरिंग सामन्यात पराभव करून सलग दुसरा विजय नोंदवला. कांगारूंनी चौथ्या सामन्यात बाबर आझम अँड कंपनीचा 62 धावांनी पराभव केला. या विजयासह ऑस्ट्रेलियन संघ सातव्या क्रमांकावरून चौथ्या स्थानावर पोहोचला आहे. 163 धावांची खेळी करणाऱ्या डेव्हिड वॉर्नरला सामनावीर म्हणून निवडण्यात आले. पाकिस्तानचा 4 सामन्यांमधला हा सलग दुसरा पराभव आहे. तत्पूर्वी, अहमदाबादमध्ये भारताने बाबरच्या सैन्याचा 7 गडी राखून पराभव करून खळबळ उडवून दिली होती. कांगारू संघ गुणतालिकेत सातव्या स्थानावरून चौथ्या स्थानावर पोहोचला आहे.

ऑस्ट्रेलियाने दिलेल्या 368 धावांच्या डोंगराळ लक्ष्यासमोर पाकिस्तान संघाने ठराविक अंतराने विकेट्स गमावल्या. त्यामुळे पाकिस्तानचा संपूर्ण संघ 45.3 षटकांत 305 धावांत गडगडला. पाकिस्तानकडून सलामीवीर इमाम उल हकने 71 चेंडूत 10 चौकारांच्या मदतीने 70 धावा केल्या, तर अब्दुल्ला शफीक 64 धावा करून बाद झाला. कर्णधार बाबर आझम 18 धावा करून पॅव्हेलियनमध्ये परतला. मोहम्मद रिझवान 46 धावा करून बाद झाला. ऑस्ट्रेलियाकडून अॅडम झाम्पाने सर्वाधिक 4 तर मार्कस स्टॉइनिसने 2 बळी घेतले.

विश्वचषकाच्या इतिहासात चौथ्यांदा दोन्ही सलामीवीरांनी शतके झळकावली.

विश्वचषकाच्या इतिहासात एकाच सामन्यात दोन्ही सलामीवीरांनी शतके ठोकण्याची ही चौथी वेळ आहे. वॉर्नरच्या वनडे कारकिर्दीतील हे 21 वे शतक आहे. एकेकाळी ऑस्ट्रेलियन संघ 400 धावांच्या दिशेने वाटचाल करत होता पण शाहीन शाह आफ्रिदीच्या (54/5) नेतृत्वाखाली शेवटच्या 10 षटकांमध्ये गोलंदाजांच्या उत्कृष्ट कामगिरीमुळे ऑस्ट्रेलियाचा संघ 370 धावांतच रोखला गेला. यादरम्यान वॉर्नरने 10 आणि 105 धावांवर मिळालेल्या दोन जीवदानांचा फायदा घेत विश्वचषकातील आपली दुसरी सर्वोच्च धावसंख्या केली, तर मार्शनेही एम चिन्नास्वामी स्टेडियमच्या सपाट खेळपट्टीचा आणि शॉर्ट बाऊंड्रीचा फायदा घेत मोठे फटके सहज खेळले.