Webdunia - Bharat's app for daily news and videos

Install App

श्रीदत्त उपनिषद - अध्याय पहिला

Webdunia
श्रीगणेशाय नमः । ॐ गणेशदत्त गुरुभ्यो नमः ॥ आत्मज्ञानाचा महिमा । नेणे चतुर्मुख ब्रह्मा ॥ स्वये नारायण जाणा । सोऽहम्‍ ध्यान करितसे ॥१॥
ऐका ज्ञानाचे लक्षण । ज्ञान म्हणजे आत्मज्ञान । पाहावे आपणासी आपण । सोऽहम्‍ ध्यान करोनिया ॥२॥
आपणासी पाहो जाता । अंगी बाणे सर्वज्ञता । आपले मूळ स्थान शोधिता । शुद्ध स्वरुप मिळतसे ॥३॥
आपला आपणासी लाभ । हे ज्ञान परम दुर्लभ । जे आदि अंती स्वयंभ । स्वरुपची स्वये ॥४॥
मी कोण ऐसा हेत । धरुनी पाहाता देहातीत । अवलोकिता नेमस्त । स्वरुपची होये ॥५॥
निर्विकल्पासी कल्पावे । कल्पना मोडे स्वभावे । मग नसोनि असावे । कल्पकोटी आपणची ॥६॥
निर्विकल्पासी कल्पिता । नुरे कल्पनेची वार्ता । स्वयंभूसी भेटू जाता । स्वये ब्रह्म होईजे ॥७॥
ऐसे ब्रह्म शाश्वत । जेथे कल्पनेसी अंत । येथे द्वैत आणि अद्वैत । काहीच जाणा नुरतसे ॥८॥
द्वैत पाहाता ब्रह्म नसे । ब्रह्मा पाहाता द्वैत नासे । द्वैताद्वैत भासे । कल्पनेसी आपुल्या ॥९॥
जाणे ब्रह्म जाणे माया । ते एक जाणावी तुर्या । सर्व जाणे म्हणोनिया । सर्व साक्षिणी तिज म्हणती ॥१०॥
ज्ञान म्हणजे अद्वैत । तुर्या प्रत्यक्ष द्वैत । सोऽहम्‍ ध्याने अद्वैत । आपोआप मिळतसे ॥११॥
सदा स्वरुपानुसंधान । करी द्वैताचे निरसन । ब्रह्मज्ञान आत्मज्ञान । आपैसे जाण होतसे ॥१२॥
परब्रह्म अद्वैत । कल्पना दावी द्वैत । कल्पना जेव्हा मरत । ब्रह्म सर्वत्र दिसतसे ॥१३॥
स्वरुपानुसंधान बळे । सगळी माया नाढळे । तयाचा पार नकळे । हरिहर ब्रह्मादिकांसी ॥१४॥
तुर्या जव परिपक्क होत । मन आपणासी विसरत ॥ उन्मनी अवस्था प्राप्त । तेव्हा साधका होत असे ॥१५॥
उन्मनी अवस्था होता प्राप्त । साधक निर्गुण होत । परब्रह्म अवस्था तया प्रत । प्राप्त जाणा होतसे ॥१६॥
परब्रह्म अवस्था पचविता । सहजावस्था ये हाता । करोनी अकर्ता भोगोनी अभोक्ता । महासिद्ध ऐसा होतसे ॥१७॥
स्वरुपानुसंधान करिता । ऐसी अवस्था ये हाता ॥ म्हणौनी अहर्निश चित्ता । स्वरुप ध्यानी ठेवावे ॥१८॥

संबंधित माहिती

सर्व पहा

नवीन

टिटवाळा येथील महागणपती

अंगारकी संकष्टी चतुर्थी 2024 संपूर्ण माहिती Angarki Sankashti Chaturthi 2024

आरती मंगळवारची

संतती सुखासाठी संकष्टी चतुर्थीला करा हे सोपे उपाय

पितरांना प्रसन्न करण्यासाठी संकष्टी चतुर्थीच्या दिवशी हे दोन उपाय करा

सर्व पहा

नक्की वाचा

लोकसभेत असदुद्दीन ओवेसी यांनी शपथ घेतल्यानंतर ओवेसींनी पॅलेस्टाईनच्या समर्थनार्थ घोषणा दिल्या, संसदेत गदारोळ

मराठा आरक्षण : माझ्या समाजाचे नेते माझ्या सोबत नाही, मी एकटा लढत आहे -मनोज जरांगे पाटील

नागपूर, इंदूर-भोपाळ, जयपूर ते देशभरातील शहरांमध्ये FIITJEE सेंटर्स का बंद केली जात आहेत, काय आहे घोटाळा?

निलेश लंके यांनी घेतली इंग्रजीतून खासदारकीची शपथ

नागपूर विमानतळाच्या टॉयलेट मध्ये बॉम्बचा धमकीचा ईमेल

पुढील लेख
Show comments