अथ चाक्षुषोपनिषद

ॐ यत्सप्तभूमिकाविद्यावेद्यानन्दकलेवरम् ।

विकलेवरकैवल्यं रामचन्द्रपदं भजे ॥

ॐ सह नाववतु  सह नौ भुनक्तु सह वीर्यं करवावहै ।       

तेजस्वि नावधीतमस्तु मा विद्विपावहै ।

ॐ शान्ति: शान्ति: शान्ति: 

आचम्य प्राणानायम्य देशकालौ सङ्कीर्त्य

मम चक्षूरोगनिवृत्तये      

जन्मान्तरितकृतपापयातयामत्वदोषपरिहारद्वारा      

अन्धत्वविनाशार्थं दूरद्दष्टिप्राप्तये 

श्रीसूर्यनारायणप्रीत्यर्थम् उदकाभिमन्त्रणप्राशनपूर्वकं

पाठं  करिष्ये ।

ॐ अथ ह साङ्कृतिर्भगवानादित्यलोकं जगाम ।

तमादित्यं नत्वा चाक्षुष्मतीविद्यया तमस्तुवत् ।

ॐ अथातश्चाक्षुषीं पठितां सिद्धां विद्यां चक्षूरोगहरां       

व्याख्यास्यामो यया चक्षूरोगा: सर्वतो नश्यन्ति चक्षुषो      

दीप्तिर्भवतीति ।

ॐ अस्याश्चाक्षुषीविद्याया अहिर्बुध्न्यऋषिर्गायत्री छन्द: 

श्रीसूर्यो देवता चक्षूरोगनिवृत्तये पाठे (जपे) विनियोग: ।

ॐ चक्षुश्च चक्षुश्च चक्षुस्तेज: स्थिरो भव । 

मां पाहि मां पाहि ।

त्वरितं चक्षूरोगानू शमय शमय । 

मम जातरूपं तेजो दर्शय दर्शय ।

यथाऽहम् अन्धो न स्यां तथा कल्पय कल्पय ।

कल्याणं कुरु कुरु । 

यानि यानि मम पूर्वजन्मोपार्जितानि 

चक्षु:-प्रतिरोधकदुष्कृतानि तानि सर्वाणि निर्मूलय निर्मूलय ।

ॐ नम: चक्षुस्तेजोदात्रे दिव्याय भास्कराय ।

ॐ नम: कल्याणकरायामृताय । 

ॐ नम: श्रीसूर्याय । 

ॐ नमो भगवते श्रीसूर्यायाक्षितेजसे नम: ।

ॐ खेचराय नम: । 

ॐ महासेनाय नम: । 

ॐ महते नम: । 

ॐ तमसे नम: । 

ॐ रजसे नम: । 

ॐ सत्त्वाय नम: । 

ॐ असतो मा सद्‌गमय  तमसो मा ज्योतिर्गमय ।

मृत्योर्मा अमृतं गमय ।

उष्णो भगवाञ्छुचिरूप: ।

हंसो भगवाञ्छुचिरूप: ।

ॐ विश्वरूपं धृणिं जातवेदसं हिरण्मयं 

पुरुषं ज्योतीरूपं तपन्तम् सहस्ररश्मि: 

शतधा वर्तमान: पुरुष: प्रजानामुदयत्येष सूर्य: ॥ 

ॐ नमो भगवते श्रीसूर्यायादित्यायाक्षितेजसेऽहोऽवाहिनि वाहिनि स्वाहेति । एवं चाक्षुष्मतीविद्यया स्तुत: श्रीसूर्यनारायण: सुप्रीतोऽब्रवीत् । 

य इमां चाक्षुष्मतीं विद्यां ब्राह्मणो नित्यमधीते 

न तस्याक्षिरोगो भवित । न तस्य कुलेऽन्धो भवति । 

अष्टौ ब्राह्मणान् सम्यग् ग्राहयित्वाऽथ विद्यासिद्धिर्भवति । 

य एवं वेद स महान् भवतीति ।

ॐ वय: सुपर्णा उप सेदुरिन्द्रं प्रियमेधा ऋषयो नाधमाना: ।

अप ध्वान्तमूर्णु हि पूर्धि चक्षुर्मुमुग्ध्यस्मान्निधयेव बद्धान् ॥

ॐ पुण्डरीकाक्षाय नम: । 

ॐ पुष्करेक्षणाय नम: ।

ॐ अमलेक्षणाय नम: । 

ॐ कमलेक्षणाय नम: ।

ॐ विश्वरूपाय नम: । 

ॐ महाविष्णवे नम: ।

ॐ सह नाववतु । सह नौ भुनक्तु । सह वीर्यं करवावहै ।      

तेजस्वि नावधीतमस्तु । मविद्विषावहै ।

ॐ शान्ति: शान्ति: शान्ति: 

इति चाक्षुषोपनिषत् समाप्त