अ ल्जेरियाच्या बुफारिक विमानतळाजवळ अल्जेरिया सैन्याचं विमान दुर्घटनाग्रस्त झालं आहे. मिळालेल्या माहितीनुसार, या विमान दुर्घटनेत १००हून अधिक सैनिकांचा मृत्यू झाल्याची भीती व्यक्त केली जात आहे. स्थानिक वेळेनुसार सकाळी ८ वाजता ही घटना घडली. घटनेची माहिती मिळताच तातडीने बचाव कार्य सुरू करण्यात आलं. अग्निशमन दलाच्या गाड्या, पाण्याचे बंब आगीवर नियंत्रण मिळवण्याचे काम करत आहेत.विमान दक्षिण-पश्चिम अल्जेरियाहून बेछार येथे जात होतं सोशल मीडियावर या घटनेचे फोटो, व्हिडीओ शेअर केले जात आहेत. यामध्ये दुर्घटनाग्रस्त विमानातून मोठ्या प्रमाणावर आग आणि धूर निघत असल्याचे दिसत आहे.