काबूल/इस्लामाबाद- : अफगाणिस्तान आणि पाकिस्तानमध्ये बुधवारी सकाळी झालेल्या भीषण भूकंपाने मोठी हानी केली आहे. हा भूकंप रिश्टर स्केलवर 6.1 तीव्रतेचा होता.
अफगाणिस्तानमध्ये किमान 255 लोकांचा मृत्यू झाल्याची माहिती आहे. त्याचबरोबर शेकडो लोक जखमी झाले आहेत. अफगाणिस्तानला लागून असलेल्या पाकिस्तानातील अनेक परिसरात विध्वंस झाला आहे. यूएस जिऑलॉजिकल सर्व्हेच्या अहवालानुसार, या भूकंपाचा केंद्रबिंदू दक्षिणपूर्व अफगाणिस्तानमधील खोस्ट शहरापासून 44 किमी अंतरावर होता.
अफगाणिस्तानची वृत्तसंस्था बख्तरने या मोठ्या विध्वंसाचे वृत्त दिले आहे. एजन्सीने सांगितले की, बचावकर्ते हेलिकॉप्टरने या भागात पोहोचले आहेत. तालिबान सरकारचे उपप्रवक्ते बिलाल करीमी म्हणाले, 'पक्तिका प्रांतातील 4 जिल्ह्यांमध्ये भूकंपाचे तीव्र धक्के जाणवले आहेत. यामध्ये शेकडो लोकांचा मृत्यू झाला असून डझनभर घरे उद्ध्वस्त झाली आहेत. सर्व मदत एजन्सींना विनंती करण्यात आली आहे की त्यांनी पुढील विध्वंस टाळण्यासाठी त्यांची टीम या भागात पाठवावी.
अफगाण मीडियानुसार, खोस्तमध्ये मोठ्या प्रमाणावर विध्वंस झाल्याचे चित्र समोर येत आहे. पाकिस्तानमध्येही खैबर पख्तूनख्वा प्रांतात एका व्यक्तीचा मृत्यू झाल्याची बातमी आहे. भूकंपामुळे घराचे छत कोसळले, त्यामुळे या व्यक्तीचा मृत्यू झाल्याचे सांगण्यात येत आहे. हा भूकंप पाकिस्तानी वेळेनुसार पहाटे 1.54 वाजता झाला.
भूकंपामुळे अनेक भाग उद्ध्वस्त झाल्याचे अफगाण भागातून आलेल्या प्रतिमा दाखवतात. युरोपीयन भूकंप केंद्राने अंदाज वर्तवला आहे की त्याचे हादरे सुमारे 500 असतीलकिलोमीटर परिसरात जाणवले. भूकंपाच्या धक्क्यांनंतर लोक घाबरले आणि रस्त्यावर आले. तत्पूर्वी, गेल्या शुक्रवारी पाकिस्तानच्या अनेकशहरांमध्ये 5 रिश्टर स्केल तीव्रतेचा भूकंप झाला.