लष्कर प्रमुख जनरल एमएम नरवणे मंगळवारी संयुक्त अरब अमिराती आणि सौदी अरेबियाच्या सहा दिवसांच्या दौर्‍यावर रवाना झाले आहेत. या भेटीमुळे सुरक्षा संबंधांना चालना मिळण्याची अपेक्षा आहे. लष्करी प्रमुख गल्फ देशांकडे जाण्याची ही पहिलीच वेळ आहे. या भेटी दरम्यान ते तेथील वरिष्ठ अधिकार्‍यांची भेट घेतील.
सैन्याने दिलेल्या निवेदनात म्हटले आहे की, नरवणे 13 आणि 14 डिसेंबराला सौदी अरेबियामध्ये राहतील. ते म्हणाले, "हा ऐतिहासिक दौरा आहे, भारतीय सैन्य प्रमुख युएई आणि सौदी अरेबियाला भेट देण्याची ही पहिलीच वेळ असेल."
लष्करप्रमुख एमएम नरवणे 9 ते 10 डिसेंबर या कालावधीत संयुक्त अरब अमिरातीमध्ये असतील अशी माहिती त्यांनी दिली. यावेळी ते वरिष्ठ लष्करी अधिकार्‍यांची भेट घेतील आणि भारत-युएई संरक्षण संबंध आणखी सुधारण्याच्या मार्गांवर चर्चा करतील.
दुसर्‍या टूरसाठी ते 13–14 डिसेंबर रोजी सौदी अरेबियाला जातील. यावेळी ते दोन्ही देशांमधील सुरक्षाविषयक बाबी सुधारण्यासाठी बैठक घेतील.
लष्करप्रमुख नरवणे यांचा यंदाचा हा तिसरा परदेशी दौरा आहे. ऑक्टोबरच्या सुरुवातीला ते परराष्ट्र सचिव हर्ष श्रृंगला यांच्यासमवेत म्यानमारला गेले होते.