जॉर्जियामध्ये आठवड्याच्या शेवटी अटलांटा रॅपर ट्रबलची गोळ्या घालून हत्या करण्यात आली आहे. मिळालेल्या माहितीनुसार, रॅपरचा मृतदेह त्याच्या अपार्टमेंटमध्येच सापडला होता. पोलिसांनी दिलेल्या माहितीनुसार, रॅपरच्या शरीरावर गोळ्यांच्या खुणा होत्या.
रॉकडेल काउंटी शेरीफच्या प्रवक्त्या जेडेडियाह कॅन्टीने एका पत्रकार परिषदेत सांगितले की रॅपर ट्रबलचे खरे नाव मारिएल सेमोंटे ओर आहे. रविवारी पहाटे 3:20 वाजता लेक सेंट जेम्स अपार्टमेंटमध्ये 34 वर्षीय रॅपरचा मृतदेह जमिनीवर पडलेला आढळून आला. अंगावर गोळीच्या जखमा होत्या.त्याला जागीच मृत घोषित करण्यात आले. या खून प्रकरणातील संशयित मिशेल जोन्स हिच्या अटकेसाठी वॉरंट जारी करण्यात आल्याचे शेरीफ कार्यालयाने म्हटले आहे. मात्र, त्याला अद्याप ताब्यात घेण्यात आलेले नाही.