राष्ट्राध्यक्ष पुतिन यांच्या ताफ्याच्या कारमध्ये स्फोट

रशियाकडून मोठी बातमी येत आहे. मीडिया रिपोर्ट्सनुसार, मॉस्कोमधील एफएसबी मुख्यालयाजवळ राष्ट्राध्यक्ष व्लादिमीर पुतिन यांच्या ताफ्याच्या लिमोझिन कारमध्ये स्फोट झाला आहे. स्फोटानंतर गाडी पूर्णपणे जळून खाक झाली. कारमधील स्फोटाचा व्हिडिओही सोशल मीडियावर व्हायरल होत आहे. गाडीला आग लागण्यामागील कारणांचा शोध घेतला जात आहे. 

मॉस्कोमधील एफएसबी गुप्तचर विभागाच्या मुख्यालयाच्या उत्तरेस व्लादिमीर पुतिन यांच्या ताफ्यातील एका लिमोझिन कारमध्ये अचानक स्फोट झाल्याचे मीडिया रिपोर्ट्समध्ये म्हटले आहे. फुटेजनुसार, आग प्रथम कारच्या इंजिनमध्ये लागली आणि नंतर ती आतील भागात पसरली.

गाडीला आग लागताच, जवळच्या रेस्टॉरंट्स आणि बारमधील कर्मचारी मदतीला धावले. घटनेच्या वेळी गाडी कोण चालवत होते हे अहवालात सांगितलेले नाही. असे म्हटले जात आहे की रशियाचे राष्ट्राध्यक्ष पुतिन यांना 275000 पौंड वजनाची लिमोझिन कार खूप आवडते. त्यांनी ही कार उत्तर कोरियाचे हुकूमशहा किम जोंग उन यांनाही भेट दिली आहे.  

रशिया-युक्रेन युद्धादरम्यान, क्रेमलिनने रशियाचे अध्यक्ष व्लादिमीर पुतिन यांच्यावर हल्ल्याची भीती व्यक्त केली आहे. अलिकडेच रशियन राष्ट्राध्यक्षांनी त्यांच्या भाषणाच्या ठिकाणी गटारांची तपासणी करण्याचे आदेश दिले होते. यानंतर, मॉस्कोमध्ये पुतिन यांच्या भाषणाच्या ठिकाणाजवळ बॉम्ब शोधण्यासाठी एफएसओ अधिकारी गटारांचे दरवाजे आणि कचऱ्याचे ढिगारे उघडताना दिसले. 

Edited By - Priya Dixit