सरकारच्या प्रस्तावित कर वाढीविरोधात केनियामध्ये हिंसक निदर्शने होत आहेत. नैरोबीमधील या हिंसाचारात किमान 5 जणांचा मृत्यू झाला असून 150 हून अधिक लोक जखमी झाले.भारताने आपल्या नागरिकांसाठी ॲडव्हायजरी जारी केली आहे.
पूर्व आफ्रिकन देशात सरकारने प्रस्तावित केलेल्या कर वाढीविरोधातील हिंसक निदर्शने दरम्यान भारताने केनियातील आपल्या नागरिकांना अत्यंत सावधगिरी बाळगण्याचा आणि अनावश्यक हालचाली प्रतिबंधित करण्याचा सल्ला दिला आहे.
मंगळवारी केन्याच्या संसदेवर हजारो लोकांनी हल्ला केला. पोलिसांनी अश्रुधाराच्या नळकांड्या सोडल्या आणि गोळ्या झाडल्या. केनियातील भारतीय वाणिज्य दूतावासाने सोशल मीडिया प्लॅटफॉर्मवर पोस्ट केलेल्या सल्लागारात म्हटले आहे की,"निदर्शने आणि हिंसाचाराने प्रभावित भागात जाणे टाळा जोपर्यंत मंजुरी मिळत नाही." "कृपया अद्यतनांसाठी स्थानिक बातम्या आणि मिशनची वेबसाइट आणि सोशल मीडिया हँडल फॉलो करा," असे त्यात म्हटले आहे.
केनियामध्ये पोलिसांना मदत करण्यासाठी लष्कर तैनात करण्यात आले आहे. आंदोलकांवर अश्रुधुराच्या नळकांड्या, पाणी तोफ आणि रबर गोळ्यांचा वापर करण्यात आला.ॲम्नेस्टी केनियासह अनेक स्वयंसेवी संस्थांनी एका संयुक्त निवेदनात म्हटले आहे की, पाच जणांचा गोळ्या झाडून मृत्यू झाला असून 31 जण जखमी झाले आहेत.
केनियाच्या संसदेने कर वाढीचा प्रस्ताव मांडणारे वादग्रस्त विधेयक मंजूर केल्यानंतर केनियाची राजधानी नैरोबी आणि देशभरातील इतर शहरांमध्ये हिंसक संघर्ष आणि निदर्शने होत आहेत. आंदोलकांनी केनियाचे अध्यक्ष रुटो 2022 मध्ये राष्ट्राध्यक्ष झाल्यानंतर जनतेचा विश्वासघात केल्याचा आरोप केला आहे.