अमेरिकेच्या सिनसिनाटी विद्यापीठाच्या कॅम्पसमध्ये गोळीबार, तीन ठार

अमेरिकेतील सिनसिनाटी विद्यापीठाच्या कॅम्पसमध्ये सोमवारी सकाळी गोळीबार झाला. किमान पाच जणांना गोळ्या लागल्याची माहिती आहे. या घटनेत तिघांचा मृत्यू झाल्याचे वृत्त आहे. त्याचबरोबर या प्रकरणी पोलिसांनी दोघांना ताब्यात घेतले असून त्यात एक जखमी आहे. 

सिनसिनाटी पोलिस विभागाच्या म्हणण्यानुसार, गोळीबाराच्या ठिकाणी अनेक बंदुका सापडल्या असून जखमी व्यक्तीसह दोन जणांना अटक करण्यात आली आहे. मात्र, अधिक माहिती देण्यास त्यांनी नकार दिला. 

स्थानिक वृत्त स्टेशननुसार, परिसरात गस्त घालत असलेल्या काही पोलिस अधिकाऱ्यांनी कॅम्पसमध्ये गोळीबाराचा आवाज ऐकला आणि त्यानंतर काही लोक जखमी झाल्याचे दिसले. यातील पाच जणांना गोळ्या लागल्या होत्या. 

Edited by - Priya Dixit