भारतात जातच आहात तर तेवढं काश्मीरचं पहा! आता तरी मध्यस्थी करा...! अशा शब्दात पाकिस्तानचे पंतप्रधान नवाझ शरीफ यांनी अमेरिकेचे अध्यक्ष बराक ओबामा यांना साकडं घातले आहे.
जानेवारीमध्ये प्रजासत्ताक दिनानिमित्त भारतात येण्याचे आमंत्रण ओबामा यांना देण्यात आले आहे. त्यांनी ते स्वीकारले आहे. या निमित्ताने पाकिस्तानने पुन्हा काश्मीर प्रश्नाचे तुणतुणे वाजवत थेट अमेरिकेलाच मध्यस्थी करण्याची विनंती केली आहे. दोन्ही देशांमध्ये शांतता प्रस्थापित करण्यासाठी हा प्रश्न सुटण्याची गरज असल्याचेही सांगण्यासही शरीफ विसरलेले नाहीत. पाकिस्तानने या ‘शरीफ’पणे केलेल्या या मागणीला अमेरिकेकडून अजून कोणताही प्रतिसाद मिळालेला नाही.