तैवानमध्ये एक प्रवासी विमान कोसळून झालेल्या दुर्घटनेत 51 लोक ठार तर सातजण जखमी झाले आहेत. सूत्रांनी दिलेल माहितीनुसार ही दुर्घटना तैवानमधील पेंघू द्वीपच्या जवळ घडली आहे.
तैवानच्या वृत्तसंस्थेने दिलेल्या माहितीनुसार ट्रान्सएशिया एअरलाईन्सचे हे विमान तातडीने उतरवण्याच्या प्रयत्नात असताना ही दुर्घटना घडली. हे विमान देशांतर्गत प्रवासी वाहतूक करीत होते. पेंघूच्या अग्निशामक दलाच्या प्रमुखांचा हवाला देऊन या विमानात तांत्रिक बिघाड झाला होता. त्यामुळे हे विमान तातडीने उतरवण्याचा प्रयत्न करीत असताना दुर्घटनाग्रस्त झाले; अशी माहिती सूत्रांनी दिली आहे. वृत्तसंस्थेने म्हटले आहे की, 51 प्रवासी ठार आणि 7 प्रवासी जखमी झाले आहेत.