आयपीएल 2022 च्या पहिल्या डबल हेडरमध्ये मुंबई इंडियन्सचा सामना दिल्ली कॅपिटल्सशी होणार आहे. पाचवेळा चॅम्पियन मुंबई संघाची गेल्या हंगामातील कामगिरी विशेष राहिली नाही आणि हा संघ प्लेऑफपर्यंत पोहोचू शकला नाही.
अशा स्थितीत रोहित शर्माच्या संघाला स्पर्धेची सुरुवात विजयाने करायची आहे. तर,ऋषभ पंतच्या नेतृत्वा खालील दिल्ली कॅपिटल्स गेल्या हंगामात प्लेऑफमधून बाद झाले होते. अशा परिस्थितीत संघाला यंदाही आपली उत्कृष्ट कामगिरी कायम ठेवायला मेहनत करावी लागेल.
आकडेवारीनुसार, आयपीएलमध्ये दोन्ही संघांमध्ये मुंबई विरुद्ध दिल्ली आतापर्यंत 30 सामने खेळले गेले आहे. यापैकी मुंबईने 16 तर दिल्लीने 14 सामने जिंकले आहेत. अशा स्थितीत यंदाही दोघांमधील स्पर्धा रंजक असणार आहे. सध्या दिल्लीचा संघ मजबूत दिसत आहे, पण मुंबईला कमी लेखणे ही त्यांच्यासाठी मोठी चूक ठरेल.
मुंबईने कर्णधार रोहित शर्मा, इशान किशन, किरॉन पोलार्ड आणि जसप्रीत बुमराहसह आपली कोअर टीम कायम ठेवली असून या चौघांची कामगिरी या सामन्यात महत्त्वाची ठरणार आहे. सर्व फॉरमॅटमध्ये भारताचा नवा कर्णधार असलेल्या रोहितचे नेतृत्व आणि तांत्रिक पराक्रम सर्वाना माहित आहे. आता भारताचा भावी कर्णधार मानल्या जात असलेल्या कर्णधार म्हणून ऋषभ पंत दिल्लीसाठी कशी कामगिरी करतो हे पाहायचे आहे. स्फोटक फलंदाज पंतवर मुंबईला विशेष नजर ठेवावी लागणार आहे.
फिरकीसाठी अक्षरासह चायनामन गोलंदाज कुलदीप यादव सांभाळणार आहे. वेगवान आक्रमणाचे नेतृत्व दक्षिण आफ्रिकेचा अॅनरिक नॉर्टजे करेल, त्याला मुस्तफिझूर रहमानची साथ असेल. मुख्य प्रशिक्षक रिकी पाँटिंग देखील युवा वेगवान गोलंदाज कमलेश नागरकोटीला आजमावू शकतात, जे स्पर्धेत चांगली कामगिरी करत आहे.