DC vs RCB IPL 2022 : RCB ला जिंकण्यासाठी आज दिल्लीशी सामना

इंडियन प्रीमियर लीग (IPL) 2022 चा 27 वा सामना शनिवारी दिल्ली कॅपिटल्स आणि रॉयल चॅलेंजर्स बंगलोर यांच्यात होणार आहे. दुहेरी हेडरमध्ये दिवसाच्या दुसऱ्या सामन्यात दोन्ही संघ एकमेकांशी भिडतील. ऋषभ पंतच्या नेतृत्वाखालील दिल्ली संघाला विजयाची गती कायम ठेवत गुणतालिकेत आपले स्थान बळकट करायचे आहे, तर बंगळुरू संघ चेन्नईविरुद्धचा पराभव विसरून विजयी मार्गावर परतण्यास इच्छुक आहे. या मोसमातील दोन्ही संघांचा आतापर्यंतचा प्रवास संमिश्र राहिला आहे. अशा स्थितीत दोघांमध्ये रोमांचक सामना होण्याची आशा आहे.

 दिल्ली कॅपिटल्स आणि रॉयल चॅलेंजर्स बंगळुरू यांच्यातील सामना शनिवार, 16 एप्रिल रोजी होणार आहे.हा सामना मुंबईच्या वानखेडे स्टेडियमवर होणार आहे.दिल्ली आणि बंगळुरू सामन्यात नाणेफेक भारतीय वेळेनुसार संध्याकाळी 7 वाजता तर पहिला चेंडू 7.30 वाजता टाकला जाईल. दिल्ली आणि बंगळुरू यांच्यातील हा सामना स्टार नेटवर्कच्या स्टार स्पोर्ट्स वाहिनीवर प्रसारित होणार आहे. 

प्लेइंग 11:

दिल्ली कॅपिटल्स

पृथ्वी शॉ, डेव्हिड वॉर्नर, ऋषभ पंत (विकेटकीपर आणि कर्णधार), रोवमन पॉवेल, सरफराज खान, ललित यादव, अक्षर पटेल, शार्दुल ठाकूर, कुलदीप यादव, मुस्तफिजुर रहमान, खलील अहमद.

रॉयल चॅलेंजर्स बंगळुरू
 फाफ डू प्लेसिस (कर्णधार), अनुज रावत, विराट कोहली, ग्लेन मॅक्सवेल, दिनेश कार्तिक (विकेटकीपर), शाहबाज अहमद, वनिंदू हसरंगा, जोस हेझलवूड, मोहम्मद सिराज, सुयश प्रभुदेसाई, आकाश दीप.