IPL 2022 चा 22 वा सामना चेन्नई सुपर किंग्ज आणि रॉयल चॅलेंजर्स बंगलोर यांच्यात नवी मुंबईतील DY पाटील स्टेडियमवर खेळला गेला. या सामन्यात चेन्नई संघाने विजय मिळवला. चेन्नईने फाफ डू प्लेसिसच्या नेतृत्वाखालील बंगळुरू संघाचा 23 धावांनी पराभव केला आणि यासह रवींद्र जडेजाच्या नेतृत्वाखाली CSK ने आयपीएलच्या 15 व्या हंगामात विजय मिळवला. याआधी चेन्नई सुपर किंग्जला सलग चार सामन्यांत पराभव पत्करावा लागला होता.
चेन्नई सुपर किंग्जचा या हंगामातील पाच सामन्यांमधील हा पहिला विजय ठरला. याआधी संघ चार सामने हरला आहे. या विजयासह चेन्नईचा संघ दोन गुणांसह गुणतालिकेत नवव्या क्रमांकावर पोहोचला आहे.तर रॉयल चॅलेंजर्स बंगळुरूचा पाच सामन्यांतील हा दुसरा पराभव ठरला. संघाने याआधी हंगामातील पहिला सामना पंजाबविरुद्ध गमावला आहे. आरसीबी गुणतालिकेत पाच सामन्यांत तीन विजय आणि दोन पराभव आणि सहा गुणांसह पाचव्या स्थानावर आहे.
या सामन्यात चेन्नई संघाने नाणेफेक गमावून प्रथम फलंदाजीचा निर्णय घेत 216 धावा केल्या. अशाप्रकारे बंगळुरूसमोर विजयासाठी 217 धावांचे लक्ष्य होते, परंतु संघाला 20 षटके खेळून 193 धावा करता आल्या आणि सामना 23 धावांनी गमवावा लागला. बंगळुरूला पहिला धक्का फाफ डू प्लेसिसच्या (8) रूपाने बसला. विराट कोहली (1)ही लवकर बाद झाला. अनुज रावत 12 धावा करून बाद झाला. मॅक्सवेल 26 धावा करून पुढे गेला. सुयश प्रभुदेसाई 34 धावा करून बाद झाला. शाहबाज अहमद 41 धावा करून थिकशनाचा बळी ठरला. हसरंगा 7 धावा करून पुढे गेला. आकाशदीप खाते न उघडताच पॅव्हेलियनमध्ये परतला. दिनेश कार्तिक 34 धावा करून बाद झाला.
या सामन्यात बंगळुरू संघाचा कर्णधार फाफ डू प्लेसिसने नाणेफेक जिंकून गोलंदाजी करण्याचा निर्णय घेतला. अशा परिस्थितीत चेन्नईने प्रथम फलंदाजी केली. रुतुराज गायकवाड आणि रॉबिन उथप्पा सीएसकेसाठी सलामीला आले. मात्र, गायकवाड 17 धावा काढून बाद झाला. मोईन अली (3) दुसरी विकेट म्हणून पॅव्हेलियनमध्ये परतला. चेन्नईचा संघ रुळावर आणण्याचे काम रॉबिन उथप्पा आणि शिवम दुबे यांनी केले. दोघांनी 130 पेक्षा जास्त भागीदारी केली. उथप्पा 50 चेंडूत 88 धावा करून बाद झाला. जडेजा खाते न उघडताच बाद झाला. शिवम दुबे 46 चेंडूत 95 धावा करून बाद झाला.
चेन्नई सुपर किंग्जविरुद्धच्या 217 धावांना प्रत्युत्तर देताना आरसीबी संघाने 20 षटकांत 9 गडी गमावून 193 धावा केल्या आणि सामना 23 धावांनी गमावला. मोहम्मद सिराज14 आणि जोश हेजलवूड 7धावा करून नाबाद परतला.