IPL 2022 चा सर्वात महागडा खेळाडू इशान किशनने लीगच्या 15 व्या हंगामातील पहिल्या सामन्यातही आपली प्रभावी कामगिरी कायम ठेवली आहे. शनिवारी मुंबईच्या ब्रेबॉर्न स्टेडियमवर दिल्ली कॅपिटल्सविरुद्धच्या सामन्यात ईशानने 34 चेंडूत अर्धशतक पूर्ण केले. यादरम्यान त्याने सहा चौकार आणि दोन षटकारांच्या मदतीने अर्धशतक पूर्ण केले.
मुंबईच्या या सलामीवीराचे दिल्लीविरुद्धचे हे तिसरे अर्धशतक आहे. यासोबतच त्याने आयपीएलमध्ये 1500 धावाही पूर्ण केल्या आहेत. ईशानने दिल्लीविरुद्ध नाबाद राहताना 48 चेंडूत 81 धावांची शानदार खेळी केली. यादरम्यान त्याने 11 चौकार आणि 2 षटकार मारले. त्याच्या या शानदार खेळीमुळे मुंबईने 5 विकेट्सवर 177 धावांची मोठी धावसंख्या उभारली आहे.
मुंबई इंडियन्सकडून सलग तीन अर्धशतके झळकावणारा इशान किशन हा केवळ तिसरा फलंदाज आहे. त्याच्या आधी सचिन तेंडुलकर आणि क्विंटन डी कॉक यांनी ही कामगिरी केली आहे. IPL 2020 पासून ईशानची बॅट जोरदार बोलते आहे. 2020 पासून त्याने चार अर्धशतके झळकावली आहेत. आयपीएल 2020 पासून, त्याने दिल्ली कॅपिटल्सविरुद्ध नाबाद 68, 37, 25, नाबाद 72, नाबाद 50, 84 आणि आता नाबाद 81 धावा केल्या आहेत.