Apple Warning Mercenary Spyware: तुम्ही Apple चा iPhone किंवा इतर कोणतेही उपकरण वापरत आहात का? जर होय, तर आता सावध व्हा. कंपनीने भारतासह 91 देशांमधील लाखो वापरकर्त्यांना एक चेतावणी जारी केली असून, सध्या स्पायवेअर वापरून अनेक वापरकर्त्यांना लक्ष्य केले जात आहे. ॲपलचे म्हणणे आहे की वापरकर्ते Mercenary Spyware हल्ल्याचे बळी होऊ शकतात. कंपनीने स्वतः ही माहिती मेलद्वारे दिली आहे.
इंडियन एक्स्प्रेसने दिलेल्या वृत्तानुसार, गुरुवारी भारतीय वेळेनुसार 12.30 वाजता हा वॉर्निंग मेल पाठवण्यात आला. मात्र, हा मेल किती जणांना आला हे अद्याप स्पष्ट झालेले नाही. ईमेलमध्ये पेगासस स्पायवेअरचा उल्लेख आहे आणि असे म्हटले आहे की जागतिक स्तरावर लोकांना लक्ष्य करण्यासाठी समान साधने वापरली जात आहेत.
Mercenary Spyware हल्ला काय आहे?
Mercenary Spyware हल्ला नियमित सायबर क्रिमिनल ॲक्टिव्हिटी आणि इतर मालवेअर हल्ल्यांपेक्षा खूप प्रगत आहे, जो यापूर्वी कधीही न पाहिलेला आहे. या प्रकारचा स्पायवेअर हल्ला निवडक वापरकर्त्यांना लक्ष्य करतो. काही रिपोर्ट्समध्ये असे म्हटले जात आहे की अशा हल्ल्यांमध्ये कोट्यवधी रुपये खर्च होतात. त्याचवेळी वृत्तसंस्था रॉयटर्सने म्हटले आहे की ॲपलने आपल्या ईमेलमध्ये म्हटले आहे की हा गुप्तचर हल्ला आयफोन वापरकर्त्यांसाठी मोठा धोका आहे.
यापूर्वीही इशारा देण्यात आला होता
Apple ने 2021 पासून 150 हून अधिक देशांमधील वापरकर्त्यांना अशा प्रकारचे चेतावणी अनेकदा जारी केली आहे. ऑक्टोबर 2023 मध्येही ऍपलने भारतीय खासदारांना अशा प्रकारचे चेतावणी मेल पाठवले होते, त्यानंतर अनेक बड्या नेत्यांनी ऍपलने जारी केलेल्या या ईमेलचा स्क्रीन शॉट त्यांच्या सोशल मीडियावर शेअर केला होता. सरकारकडून (राज्य प्रायोजक) तुम्हाला टार्गेट केले जात असल्याचे मेलमध्ये सांगण्यात आले. तथापि मेलमध्ये नमूद केलेल्या धमकीबद्दल भारत सरकारने ॲपलकडून या प्रकरणी प्रतिक्रिया मागितली असता, ‘स्पेसिफिक स्टेट स्पॉन्सर अटैकर्स’ यासाठी जबाबदार नाहीत.