३० ऑगस्टला जिओचा फ्लॅश सेल

रिलायन्स जिओ कंपनीने मागील आठवड्यात फोनचा फ्लॅश सेल जाहीर केला होता.  यात अवघ्या एका मिनीटात फोन आऊट ऑफ स्टॉक झाला. आता कंपनीने या नवीन मॉडेलच्या विक्रीसाठी पुढील फ्लॅश सेल ३० ऑगस्ट रोजी जाहीर केला आहे. त्यामुळे ज्यांना हा फोन खरेदी करायचा आहे ते ग्राहक दुपारी १२ वाजल्यापासून jio.com या कंपनीच्या वेबसाईटवर फोनची ऑनलाइन खरेदी करु शकतात. 

या फोनची किंमत २,९९९ रुपये आहे. लवकरच आपण या फोनमध्ये व्हॉट्स अॅपची सुविधाही देणार असल्याचे कंपनीने सांगितले आहे. फोनमध्ये ५१२ एमबी रॅम आणि ४ जीबी इनबिल्ट स्टोरेज देण्यात आले आहे. तसेच मेमरी कार्डद्वारे हे स्टोरेज १२८ जीबीपर्यंत वाढवता येईल. या ४जी फोनमध्ये २ हजार मिलिअॅम्पियर्सची बॅटरी आहे. यामध्ये वाय-फाय, ब्लूटूथ, एनएफसी आणि एफएम रेडिओ यांसारखे कनेक्टिविटी फिचर्स देण्यात आले आहेत.