लोकप्रिय सर्च इंजिन गुगलही लवकरच फोटो शेअरिंग आणि स्टोरेज ऑप्शनवाला अँप लॉन्च करणार आहे. गुगलचं हे अँप इन्स्टाग्रामसारखं असण्याची शक्यता आहे. गुगलचं सोशल नेटवर्क म्हणजेच गुगल प्लसवर ‘Google+ Photo’ नावाने फोटो शेअरिंग फीचर आहे. मात्र हे नवं अँप पूर्णपणे वेगळं असणार आहे.
गुगलचं हे नवं फोटो शेअरिंग अँप गुगल प्लसहून पूर्णपणे वेगळं असणार आहे. शिवाय महत्त्वाचं म्हणजे गुगल प्लस वगळता फेसबुक, टि्वटरसारख्या इतर सोशल नेटवर्किग साईट्सवरही या अँपमधून फोटो शेअर करता येणार आहेत.
फोटो शेअरिंग अँपसह आणखी काही फीचर्सही यामध्ये असणार आहेत. सध्या इन्स्टाग्रामची लोकप्रियता वाढली आहे, त्यामुळे गुगलचं नवं फोटो शेअरिंग अँप किती लोकप्रिय होईल, हे पाहणे उत्सुकतेचे ठरणार आहे.