हे बघा जगातील सर्वात तरुण आजीबाई

सध्या एका सुंदर आजीबाईंचा फोटो सोशल मीडियावर व्हायरल झाला आहे. या एका फोटोमुळे या आजीबाई इतक्या लोकप्रिय झाल्या आहेत की इन्स्टाग्रामवर त्यांचे ७४ हजारांहून अधिक फॉलोअर्स झाले आहेत. जीना स्टुअर्ट (४७) असे तिचे नाव असून ती जगातील सर्वात तरुण आजी आहे.

जीनाला २ मुलगे व २ मुली आहेत. यातील दोघांचे लग्न झाले असून त्यांना मुलंही आहेत.पण जीनाकडे बघून मात्र यावर विश्वास ठेवणं कठीणं आहे. फिटनेस अलर्ट असलेली जीना मिस ऑस्ट्रेलिया स्पर्धेत भाग घेण्याची तयारी करत आहे. या स्पर्धेत तिची टक्कर १८ वर्षांच्या मुलींबरोबर आहे. विशेष म्हणजे तिने आतापर्यंत कधीही कसलीही कॉस्मेटिक सर्जरी केलेली नाही. तिचं हे सौंदर्य नैसर्गिक आहे.

तिच्या या तारुण्याचं कुतूहल अनेकजणांना आहे. यावर ती म्हणते की मी कधीही सौंदर्य वाढवण्यासाठी रासायनिक कॉस्मेटिक उत्पादनांचा वापर केलेला नाही. केसांना मी नारळाचे तेल वापरते. झीरो कॅलरीयुक्त चॉकलेट्स खाते. चेहऱ्यावर सेंद्रीय मॉयश्चरायझर लावते. तसेच चेहऱ्यावर सुरकुत्या पडू नयेत म्हणून मी गुलाब तेलाचाही वापर करते. पनीर बटर व न्यूटेलाही ती खाते. त्याचबरोबर नियमित व्यायाम व डाएट हीच तिच्या सौंदर्यांची गुपितं आहेत.

दरम्यान, जर जीना जिंकली तर मिस ऑस्ट्रेलिया स्पर्धेत तिला १० हजार डॉलर बक्षिस म्हणून मिळणार आहेत. पण हे सर्व पैसे ती तिच्या आजारी मित्राला दान म्हणून देणार आहे.