महाराष्ट्रात आता बॉलीवूड टुरिझम

PR

महाराष्ट्रातील पर्यटनाला चालना देण्यासाठी बॉलिवूड टुरिझम हा नवीन पर्यटन प्रकार सुरू करणार असून त्याचा मास्टर प्लॅन तयार करण्याचे काम सुरू आहे. फिल्मसिटीची मान्यता मिळाल्यानंतर दर शनिवार, रविवार या टुर्स सुरू करण्यात येतील, अशी माहिती पर्यटन मंत्री छगन भुजबळ यांनी दिली. महाराष्ट्र राज्य पर्यटन महामंडळाच्या महाराष्ट्र अनलिमिटेड या त्रैमासिकाच्या प्रकाशन सभारंभांत ते बोलत होते. कोकणातील पर्यटनाकडेही सरकारने लक्ष दिले असून सी वर्ल्डच्या प्रकल्पासाठी नियुक्त कंपनीने या प्रकल्पाचे सादरीकरण नुकतेच केले असून त्याता अंतिम प्रकल्प आराखडा लवकरच सादर होईल. महाराष्ट्रातील पर्यटनस्थळांवर सहा भाग डिस्कव्हरी चॅनलने तयार केले आहेत. संजय गांधी उद्यानात वाहनांमुळे होणारे प्रदूषण टाळण्यासाठी या उद्यानात फिरण्यास हॉप ऑन, हॉप ऑफ या प्रकारच्या सीएनजी बस सुरु करण्यास बेस्टने सहमती दर्शवल्याचेही भुजबळ यांनी सांगितले.