श्री पांडुरंगाची आरती
मंगळवार, 12 नोव्हेंबर 2024 (05:06 IST)
जय देव जय देव जय पांडुरंगा ।
आरती ओवाळूं भावें जिवलगा ॥धृ.॥
पंढरीक्षेत्रासी तूं अवतरलासी ।
जगदुद्धारासाठीं राया तूं फिरसी ।
भक्तवत्सल खरा तूं एक होसी ।
म्हणूनी शरण आलो तुझे चरणासी ॥
जय देव जय देव जय पांडुरंगा ।
आरती ओवाळूं भावें जिवलगा ॥१॥
त्रिगुण परब्रह्म तुझा अवतार ।
त्याची काय वर्णूं लीला पामर ।
शेषादिक शिणलें त्या न लागे पार ।
तेथें कैसा मूढ मी करू विस्तार ॥
जय देव जय देव जय पांडुरंगा ।
आरती ओवाळूं भावें जिवलगा ॥२॥
देवाधिदेवा तूं पंढरीराया ।
निर्जर मुनिजन ध्याती भावें तव पायां ॥
तुझसीं अर्पण केली अपुली मी काया ।
शरणागत तारीं तूं देवराया ॥
जय देव जय देव जय पांडुरंगा ।
आरती ओवाळूं भावें जिवलगा ॥३॥
अघटित लीला करूनी जड मूढ उद्धरिले ।
कीर्ति ऎकुनी कानीं चरणीं मी लाळे ।
चरणप्रसाद मोठा मज हें अनुभवलें ।
तुझ्या भक्तां न लगे चरणांवेगळें ॥
जय देव जय देव जय पांडुरंगा ।
आरती ओवाळूं भावें जिवलगा ॥४॥