तुळशीच्या सुकलेल्या पानांची पावडर, संत्र्याच्या सालीचा रस, ग्लिसरीन (थोडेसे), आंबेहळद (थोडेसे) हे मिश्रण एकत्र करून फेसपॅक तयार करावा. थंडीमध्ये हा फेसपॅक म्हणजे रामबाण उपाय आहे.
पूर्ण शरीराचे थंडीपासून संरक्षण करण्यासाठी मध, हळद, बेसन सम प्रमाणात घेऊन (पाणी घालू नये) हा स्क्रब आंघोळीपूर्वी शरीराला निदान तीन मिनिटे लावून ठेवावा. हा स्क्रब एक दिवसाआड लावल्यास त्वचा उजळते.
पुढे पहा त्वचेच्या संरक्षणासाठी खास उटणे...
त्वचेच्या संरक्षणासाठी खास उटणे: आंबेहळद, कडुनिंबाच्या सुकलेल्या पाल्याची पावडर, नीम पावडर (अगदी थोडी), संत्रा पावडर आणि चंदन एकत्र यांचे उटणे घरात बनवून घ्यावे.
थंडीत कोरडी त्वचा खरखरीत होते. या कोरड्या त्वचेसाठीचा हा खास फेसपॅक -
अर्जुन पावडर : १०० ग्रॅम, मंजिष्ठा : १०० ग्रॅम, शंख जिरा १०० ग्रॅम, चंदन पावडर : १०० ग्रॅम, हळद १०० ग्रॅम, मायफळ ५० ग्रॅम, जायफळ ४० ग्रॅम, फिटकरी ४० ग्रॅम, खस्ता ५० ग्रॅम, मूग डाळ (थोडीशी), मसूर डाळ (थोडीशी), हे सगळे साहित्य एकत्र करून हा फेसपॅक दूध आणि सायीसह लावावा. हे सर्व साहित्य आयुर्वेदिक दुकानात सहज उपलब्ध आहे.
थंडीत पार्लरमध्ये जाताना..
पार्लरमध्ये जाताना.. थंडीत त्वचेची निगा राखताना पार्लरला जात असाल तर शक्यतो ब्लिच टाळावे. त्वचा अगदीच काळवंडलेली असेल तर मग कमी अ‍ॅक्टिवेटर वापरून ब्लिच करावे.
फेशिअलमध्ये कोरड्या त्वचेसाठी बदाम, अ‍ॅलोव्हेरा, कुकुम्बर, फ्रूट फेशिअलला प्राधान्य द्यावे.
तेलकट त्वचेसाठी या दिवसांमध्ये स्ट्राबेरी फेशिअल हा उत्तम पर्याय आहे.
क्रीम मसाजवर फेसपॅक लावून घ्यावा, जेणेकरून त्वचेतील स्निग्धता कायम राहते.
टीप : थंडीच्या दिवसांत फेसपॅक चेह-यावर सुकवू नये. अधिक वेळ ठेवल्यास चेह-यावर सुरकुत्या पडण्याची शक्यता असते. फेसपॅक लावल्यानंतर दहा मिनिटांनी चेहरा पाण्याने स्वच्छ धुवावा.