Mukesh Ambani: मुकेश अंबानी आता आइस्क्रीम बाजारात उतरण्याच्या तयारीत

देशातील सर्वात मौल्यवान कंपनी रिलायन्स इंडस्ट्रीज वेगाने उदयास येत असलेल्या आइस्क्रीम बाजारात उतरणार आहे. सूत्रांनी दिलेल्या माहितीनुसार, रिलायन्स रिटेल व्हेंचर्सची एफएमसीजी कंपनी इंडिपेंडन्स ब्रँडसह रिलायन्स कंझ्युमर प्रॉडक्ट्समध्ये प्रवेश करू शकते. कंपनीने गेल्या वर्षी गुजरातमध्ये हा ब्रँड लॉन्च केला. आईस्क्रीम बनवण्याचे काम आउटसोर्स करण्यासाठी कंपनी गुजरातमधील एका कंपनीशी बोलणी सुरु आहे.

रिलायन्सच्या प्रवेशामुळे संघटित आइस्क्रीम मार्केटमध्ये स्पर्धा वाढू शकते, असे बाजारातील तज्ज्ञांचे म्हणणे आहे. देशातील आईस्क्रीमची बाजारपेठ 20,000 कोटी रुपयांहून अधिक आहे. यामध्ये संघटित क्षेत्राचा 50 टक्के हिस्सा आहे.

 गुजरातच्या आइस्क्रीम कंपनीशी चर्चा अंतिम टप्प्यात आहे. कंपनी या उन्हाळ्यात आपले आईस्क्रीम लाँच करू शकते.  तज्ज्ञाने सांगितले की, रिलायन्सच्या आगमनाने आइस्क्रीम मार्केटमध्ये मोठा बदल होऊ शकतो आणि स्पर्धा वाढेल. रिलायन्सने नुकतेच डेअरी क्षेत्रातील दिग्गज आरएस सोढी यांची निवड केली आहे. सोढी यांनी अनेक वर्षे अमूलमध्ये काम केले आहे.

 Edited By - Priya Dixit