संपूर्ण देशाला 'याड' लावणार्‍या आर्ची आणि परशा यांचे मेणाचे पुतळे नागरिकांना पाहण्यासाठी खुले करण्यात आले आहे. 'सैराट' सिनेमातील अभिनेत्री रिंकू राजगुरू, अभिनेता आकाश ठोसर व सिनेमाचे लेखक-दिग्दर्शक नागराज मंजुळे यांचे मेणाचे पुतळे लोणावळ्यातील पहिल्या आंतरराष्ट्रीय र्कीतीच्या सुनिल सेलिब्रेटी वॅक्स म्युझियममध्ये ठेवण्यात आले आहेत.
भारतातील पहिले वॅक्स म्युझियम वॅक्स कलावंत सुनिल कंडलूर यांनी लोणावळ्यात सुरू केले आहेत. आणि गेल्या दहा वर्षात शंभराहून अधिक सेलिब्रिटींचे हुबेहुब मेणाचे पुतळे यांनी साकारले आहे. तसेच आर्ची, परशा आणि नागराज यांचेही पुतळे येथे हुबेहुब बनवण्यात आले आहेत. गेल्या सहा महिन्यांपासून हे पुतळे बनवण्याचे काम सुरू होते. आज अनावरण झाल्याबरोबर नागरिकांनी या पुतळ्यासोबत सेल्फी काढण्यासाठी गर्दी केली.