बीसीसीआयच्या अध्यक्षपदी अनुराग ठाकूर

मुंबई- भारतीय क्रिकेट नियामक मंडळाच्या (बीसीसीआय) अध्यक्षपदी अनुराग ठाकूर यांची अध्यक्षपदी एकमताने निवड झाली. तर महाराष्ट्र क्रिकेट संघटनेचे (एमसीसी) अध्यक्ष अजय शिर्के यांची सचिवपदी बिनविरोध निवड करण्यात आली.

मंडळाच्या झालेल्या वार्षिक सर्वसाधारण सभेत अनुराग ठाकूर यांच्या नावावर शिक्कामोर्तब झाले. शशांक मनोहर आयसीसीचे अध्यक्ष झाल्यामुळे भारतीय मंडळाच्या अध्यक्षपदाचा राजीनामा दिला आहे. आता त्यांची जागा ठाकूर घेतील. सध्या पूर्व विभागाची अध्यक्षपदाची वेळ आहे. त्यामुळे ठाकूर यांच्या उमेदवारीस सूचक तसेच अनुमोदक पूर्व विभागातील असणे आवश्यक आहे. 

भाजपचे खासदार असलेल्या ठाकूर यांना पूर्व विभागातील बंगाल, आसाम, झारखंड, त्रिपुरा तसेच नॅशनल क्रिकेट क्लब या सर्व संघटनांनी एकमताने पाठिंबा दिला होता. त्यामुळे त्यांची बिनविरोध निवड जवळपास निश्चित मानण्यात येत होती. अखेर बैठकीत त्यांच्या नावावर शिक्कामोर्तब झाले.