जम्मू-काश्मीरमधीलअनंतनागमध्येलढताना पोलीस अधिकारी अब्दुल रशीद हे शहीद झाले. त्यानंतर शासकीय इतमामात त्यांचा दफनविधी सुरु असतानाच त्यांची मुलगी जोहरानं एकच टाहो फोडला. त्यावेळचा तिचा फोटो सध्या सोशल मीडियावर व्हायरल झाला आहे. हाच फोटो पाहून क्रिकेटर गौतम गंभीरही हळहळला असून त्याने जोहराच्या संपूर्ण शिक्षणाचा खर्चही उचलणार असल्याचं त्यानं जाहीर केलं. याबाबत त्याने ट्वीटवरून माहिती दिली आहे. आपल्या पोस्टमध्ये गंभीर म्हणतो की, ‘जोहरा तुझे हे अश्रू जमिनीवर ढाळू नकोस, कारण मला असं वाटतं की, त्याचं वजन पेलण्याची क्षमता खुद्द पृथ्वीचीही नाही. तुझ्या शहीद पित्याला आमचा सलाम.’गंभीरनं आपल्या पहिल्या ट्वीटमध्ये जोहराच्या संपूर्ण शिक्षणाचा खर्च उचलणार असल्याचं जाहीर केलं.