मंगळवारपासून (20 सप्टेंबर) ऑस्ट्रेलियाविरुद्ध सुरू होणाऱ्या तीन सामन्यांच्या T20I मालिकेपूर्वी भारताला मोठा धक्का बसला आहे. संघाचा स्टार वेगवान गोलंदाज मोहम्मद शमी कोरोना पॉझिटिव्ह आढळला असून त्याला आगामी टी-20 मालिकेतून वगळण्यात आले आहे.रिपोर्टनुसार तो दक्षिण आफ्रिकेविरुद्धच्या मालिकेपूर्वी तंदुरुस्त होईल.
क्रिकबझच्या वृत्तानुसार, मोहम्मद शमी मंगळवारपासून सुरू होणाऱ्या ऑस्ट्रेलिया विरुद्धच्याटी-20 मालिकेतून बाहेर पडला आहे .त्याचवेळी, कोविडमधून बरा झाल्यानंतर दक्षिण आफ्रिकेविरुद्धच्या आगामी T20 मालिकेसाठी त्याच्या उपलब्धतेबाबत निर्णय घेतला जाईल.दक्षिण आफ्रिकेविरुद्धचे तीन T20 सामने 28 सप्टेंबर, 2 ऑक्टोबर आणि 4 ऑक्टोबर रोजी तिरुअनंतपुरम, गुवाहाटी आणि इंदूर येथे आहेत.
या दौऱ्यावर ऑस्ट्रेलियाचा पहिला टी-२० सामना भारताविरुद्ध २० सप्टेंबर रोजी मोहाली येथे होणार आहे तर दुसरा सामना २३ सप्टेंबर रोजी नागपुरात होणार आहे.या दौऱ्यातील तिसरा आणि अंतिम सामना 25 सप्टेंबर रोजी हैदराबादमध्ये यजमानांशी होणार आहे.