भारत आणि दक्षिण आफ्रिका यांच्यातील वनडे मालिकेसाठी वॉशिंग्टन सुंदरचा भारतीय संघात समावेश करण्यात आला आहे. दुखापतग्रस्त दीपक चहरच्या जागी त्याला संघात संधी देण्यात आली आहे. मालिकेतील पहिल्या वनडेच्या आधी चहरला दुखापत झाली होती. प्रशिक्षणादरम्यान चहरच्या घोट्याला दुखापत झाली आणि आता तो दक्षिण आफ्रिकेविरुद्धच्या संपूर्ण वनडे मालिकेतून बाहेर पडला आहे. वॉशिंग्टन सुंदरने भारतासाठी शेवटचा एकदिवसीय सामना आठ महिन्यांपूर्वी फेब्रुवारीमध्ये वेस्ट इंडिजविरुद्ध खेळला होता.
आता चहरचा टी-20 विश्वचषक संघात समावेश होण्याची शक्यता कमी वाटत आहे. दीपक ला टी-20 विश्वचषकासाठी स्टँडबाय म्हणून ठेवण्यात आले आहे. बुमराहला दुखापत झाल्यास त्यापैकी एकाची आणि मोहम्मद शमीची 15जणांच्या संघात निवड करावी लागेल. चहरसह चार राखीव खेळाडू 11 ऑक्टोबरला ऑस्ट्रेलियाला रवाना होणार आहेत. चहरच्या जागी डावखुरा वेगवान गोलंदाज मुकेश चौधरी आणि चेतन साकारिया यांचा भारतीय संघात समावेश करण्यात आला आहे.
बीसीसीआयने शनिवारी सांगितले की, जखमी दीपक चहरच्या जागी वॉशिंग्टन सुंदरचा भारतीय संघात समावेश करण्यात आला आहे. दक्षिण आफ्रिकेविरुद्धच्या वनडे मालिकेतील पहिल्या सामन्यात भारताला नऊ धावांनी पराभव स्वीकारावा लागला होता. मालिकेतील दुसरा सामना 9 ऑक्टोबर (रविवार) रोजी होणार असून शेवटचा सामना 11 ऑक्टोबर रोजी नवी दिल्ली येथे होणार आहे.