भारत आणि वेस्ट इंडिज यांच्यातील तीन एकदिवसीय सामन्यांच्या मालिकेतील पहिला सामना (भारत विरुद्ध वेस्ट इंडिज, पहिला वनडे) रविवारी अहमदाबाद येथील नरेंद्र मोदी क्रिकेट स्टेडियमवर खेळवला जाणार आहे. भारतीय संघातील शिखर धवन, ऋतुराज गायकवाड, श्रेयस अय्यर आणि नवदीप सैनी हे चार खेळाडू कोरोना पॉझिटिव्ह आढळल्यानंतर त्यांना खेळणे अशक्य आहे. अशा स्थितीत टीम इंडियाला पहिल्या वनडेसाठी प्लेइंग इलेव्हन निवडण्यात अडचणी येऊ शकतात. हा भारताचा 1000 वा एकदिवसीय सामना असेल आणि या ऐतिहासिक सामन्यात रोहित शर्मा संघाचे नेतृत्व करेल
काही प्रमुख खेळाडू उपलब्ध नसल्यामुळे, पहिल्या वनडेत संघ कोणत्या प्लेइंग इलेव्हनसोबत जातो हे पाहणे मनोरंजक असेल. भारतीय संघाला दक्षिण आफ्रिका दौऱ्यावर वनडेत क्लीन स्वीपचा सामना करावा लागला होता, हे विसरून संघाला आता नव्याने सुरुवात करायची आहे. त्याचबरोबर वेस्ट इंडिज संघाने नुकतेच इंग्लंडला टी-20 मालिकेत पराभूत केले असून यामुळे कॅरेबियन संघाचा आत्मविश्वास वाढला आहे.
केएल राहुलही मालिकेतील पहिल्या वनडेसाठी उपलब्ध नाही आणि अशा स्थितीत इशान किशन किंवा मयंक अग्रवाल सलामीला कर्णधार रोहित शर्मासोबत डावाची सुरुवात करू शकतात. यानंतर सूर्यकुमार यादव आणि यष्टीरक्षक ऋषभ पंत मधल्या फळीत संघाला मजबूत करू शकतात. श्रेयस अय्यर कोरोना पॉझिटिव्ह आढळल्याने आणि त्यानंतर टीममध्ये रवींद्र जडेजा आणि अक्षर पटेल, दीपक हुडाला पदार्पण करण्याची संधी मिळू शकते.
खालच्या फळीत शार्दुल ठाकूर आणि दीपक चहर झटपट धावा करू शकतात आणि त्याचवेळी ते वेगवान गोलंदाजीतही संघाला मजबूत करू शकतात. कुलदीप यादवचे प्रदीर्घ कालावधीनंतर संघात पुनरागमन झाले असून तो युझवेंद्र चहलसह फिरकी गोलंदाजाची जबाबदारी स्वीकारणार आहे. त्यांच्याशिवाय मोहम्मद सिराज आणि वॉशिंग्टन सुंदर हे गोलंदाजीत भारताला पर्याय उपलब्ध करून देतील.