भारतीय क्रिकेट नियामक मंडळाने (BCCI) शुक्रवारी इंग्लंड दौऱ्यासाठी भारतीय महिला T20 आणि ODI संघाची घोषणा केली. अनुभवी वेगवान गोलंदाज झुलन गोस्वामीचे वनडे संघात पुनरागमन झाले आहे. झुलनला श्रीलंकेविरुद्धच्या वनडे मालिकेसाठी विश्रांती देण्यात आली होती. त्याचवेळी दुखापतीमुळे 'द हंड्रेड' स्पर्धेतून माघार घेणाऱ्या जेमिमा रॉड्रिग्जला संघात ठेवण्यात आले आहे. जेमिमाने राष्ट्रकुल स्पर्धेत चमकदार कामगिरी केली होती. मात्र, अंतिम फेरीत ऑस्ट्रेलियाविरुद्ध पराभूत झाल्याने भारतीय संघ सुवर्णपदकापासून वंचित राहिला.
भारतीय महिला संघ इंग्लंडमध्ये तीन टी-20 आणि तीन एकदिवसीय सामन्यांची मालिका खेळणार आहे. टी-20 मालिका 10 सप्टेंबरपासून तर एकदिवसीय मालिका 18 सप्टेंबरपासून सुरू होणार आहे.