रोहित शर्माचे कसोटी कर्णधार होणे जवळपास निश्चित, बीसीसीआय अधिकृत घोषणा करू शकते

रोहित शर्मा याआधीच टी-20 आणि वनडे टीम इंडियाचे  कर्णधार बनले असून आता त्याच्याकडे कसोटी संघाचेही कर्णधारपद सोपवले जाऊ शकते, अशी शक्यता वर्तवली जात आहे. दक्षिण आफ्रिकेविरुद्धच्या कसोटी मालिकेत भारताचा 1-2 असा पराभव झाल्यानंतर विराट कोहलीने कसोटी कर्णधारपद सोडण्याची घोषणा केली. भारतीय क्रिकेट नियामक मंडळ (BCCI) दक्षिण आफ्रिकेविरुद्धच्या वनडे मालिकेनंतर याची अधिकृत घोषणा करू शकते. बीसीसीआयच्या एका अधिकाऱ्याने  सांगितले की, 'रोहित शर्माला भारताचा नवा कसोटी कर्णधार बनवण्यात येईल यात शंका नाही. दक्षिण आफ्रिका दौऱ्यापूर्वी रोहित शर्माला कसोटी संघाचा उपकर्णधार बनवण्यात आले होते, त्यामुळे ते  कर्णधारपदी विराजमान होणार आहे. ही घोषणा लवकरच केली जाईल. रोहितवर कामाचा खूप ताण असेल, त्याला स्वतःला फिट ठेवावे लागेल. त्याला त्याच्या फिटनेसवर जास्त मेहनत करावी लागणार आहे.

पूर्णवेळ कसोटी कर्णधार म्हणून रोहित शर्माची श्रीलंकेविरुद्धची घरची कसोटी मालिका ही पहिली नियुक्ती असू शकते. तर बीसीसीआयला केएल राहुल आणि ऋषभ पंत यांना भावी कर्णधार म्हणून तयार करायचे आहे. या दोघांपैकी कोणाला उपकर्णधार बनवायचे हे अद्याप ठरलेले नाही. बीसीसीआयच्या अधिकाऱ्याने सांगितले की, “उपकर्णधार कोण असेल तो टीम इंडियाचा भावी लीडर असेल, केएल राहुल, ऋषभ पंत आणि जसप्रीत बुमराह हे सर्व भावी लीडर आहेत.