बुधवारी रात्री ईडन गार्डन्स स्टेडियमवर रॉयल चॅलेंजर्स बंगळुरू (RCB) ला एलिमिनेटरच्या दुर्दैवी स्थितीतून बाहेर काढण्यासाठी 28 वर्षीय रजत पाटीदारने 54 चेंडूत नाबाद 112 धावांची खेळी करत संपूर्ण संघाने फलंदाजाचे अभिनंदन करण्यास सुरुवात केली. एलिमिनेटरमध्ये पराभूत झाल्यानंतर आरसीबी यापूर्वी 2020 आणि 2021 मध्ये आयपीएलमधून बाहेर पडला होता
आयपीएलच्या एलिमिनेटरमध्ये शतक झळकावणारा रजत हा पहिला अनकॅप्ड खेळाडू ठरला आहे.फेब्रुवारीमध्ये आयपीएल मेगा लिलावात रजतला कोणत्याही संघाने विकत घेतले नाही तेव्हा तो थोडा निराश झाला होता.रिपोर्टनुसार, जेव्हा रजतचा आयपीएलमध्ये लिलाव झाला नाही तेव्हा त्याने 9 मे ही लग्नाची तारीख निश्चित केली.
त्याचे वडील मनोहर पाटीदार यांनी सांगितले की, आम्ही एक छोटासा कार्यक्रम ठरवला होता आणि त्यासाठी इंदूरमध्ये हॉटेलही बुक केले होते.3 एप्रिल रोजी बंगळुरूने या खेळाडूला 20 लाख रुपये देऊन संघात समाविष्ट केले. टीममध्ये आश्चर्यचकितपणे समावेश केल्यानंतर रजतने त्याच्या लग्नाची तारीख पुढे ढकलली. आता तो जुलैमध्ये रतलाम येथील मुलीशी लग्न करणार आहे. मध्य प्रदेश रणजी संघाकडून खेळणारा रजत 6 जूनपासून पंजाबविरुद्ध रणजी बाद फेरीत खेळणार आहे. त्याचे वडील मनोहर यांनी सांगितले की, सामन्याचे वेळापत्रक पाहता त्यांनी जुलैमध्ये बुकिंग केले आहे.