WI vs UGA : वेस्ट इंडीजने युगांडा विरुद्ध 134 धावांनी सामना जिंकून इतिहास रचला

दोन वेळचा चॅम्पियन वेस्ट इंडीजने युगांडा विरुद्ध जोरदार कामगिरी केली आणि 134 धावांनी मोठा विजय नोंदवला. वेस्ट इंडिजचा दोन सामन्यांमधला हा दुसरा विजय आहे, तर युगांडाचा तीन सामन्यांमधला हा दुसरा पराभव आहे. या सामन्यात युगांडाची फलंदाजी अतिशय खराब झाली आणि संघाचा एकच फलंदाज दुहेरी आकडा गाठू शकला.

वेस्ट इंडिजच्या भक्कम गोलंदाजीसमोर युगांडाचे फलंदाज टिकू शकले नाहीत आणि बाद झाले. या सामन्यात वेस्ट इंडिजचा कर्णधार रोव्हमन पॉवेलने नाणेफेक जिंकून प्रथम फलंदाजी करण्याचा निर्णय घेतला. वेस्ट इंडिज संघाने फलंदाजी करताना 173 धावा केल्या. प्रत्युत्तरात युगांडाचा संघ 39 धावांवर ऑलआऊट झाला. वेस्ट इंडिजने हा सामना जिंकून अनेक मोठे विक्रम केले आहेत.T20 आंतरराष्ट्रीय क्रिकेटमध्ये वेस्ट इंडिजचा हा सलग सहावा विजय आहे. 

वेस्ट इंडिज संघाने युगांडावर 134 धावांनी विजय मिळवला आहे, जो T20 विश्वचषकाच्या इतिहासातील दुसरा सर्वात मोठा विजय आहे. T20 विश्वचषकातील सर्वात मोठ्या विजयाचा विक्रम श्रीलंकेच्या नावावर आहे. T20 विश्वचषक 2007 मध्ये श्रीलंकेने केनियाविरुद्धचा सामना 172 धावांनी जिंकला होता. T20 विश्वचषकातील सर्वात मोठा विजय मिळवण्याच्या बाबतीत दक्षिण आफ्रिकेचा संघ तिसऱ्या स्थानावर आहे. आफ्रिकेने 2009 च्या टी-20 विश्वचषकात स्कॉटलंडविरुद्धचा सामना 130 धावांनी जिंकला होता. 

लक्ष्याचा पाठलाग करताना युगांडाची फलंदाजी अत्यंत खराब होती आणि संघाचा एकच फलंदाज दुहेरी आकडा गाठू शकला. युगांडासाठी खालच्या फळीतील फलंदाज जुमा मियागी 20 चेंडूत 13 धावा करून नाबाद परतला. या सामन्यात मियागीने संघाकडून सर्वाधिक धावा केल्या. विशेष म्हणजे युगांडाच्या डावात एकही षटकार मारला नाही. दोन वेळच्या चॅम्पियन वेस्ट इंडिजने टी-20 विश्वचषक स्पर्धेत शानदार सुरुवात केली असून त्यांचे दोन्ही सामने जिंकले आहेत. अफगाणिस्ताननंतर गटात वेस्ट इंडिजचा संघ चार गुणांसह दुसऱ्या स्थानावर आहे, तर युगांडाचा संघ तीन सामन्यांतून एक विजय आणि दोन पराभवांसह दोन गुणांसह तिसऱ्या स्थानावर आहे. 

Edited by - Priya Dixit