वेस्टर्न वन पीस घालणार असाल, तर गुडघ्यापर्यंतच त्यांची उंची ठेवा. पोटरीपर्यंत मिडी नकोच. हा पॅटर्न स्लिव्हलेस ठेवा. पूर्ण बाह्या नकोतच, मिडी वेलवेटचा आणि गळा तसंच बाह्या नेटच्या शिवण्याचीही फॅशन आहे.
ज्यांना एकदम वेलवेट घालण्याचं धाडत होत नसेल, त्यांनी आधी वेलवेटच्या अ‍ॅक्सेसरीज घालून पाहा. उदा. हेअरबँड, हँडपर्स, शूज, बेल्ट इत्यादी.
वेलवेटची स्ट्रेट फिटिंग पँटही उत्तम पर्याय आहे. मात्र, त्या घालताना आपला वर्ण त्याला जुळतोय ना हे नक्की पाहा. साधारणत: गोर्‍या, सावळ्या रंगाच्या व्यक्तींना वेलवेटच्या पँट चांगल्या दिसतात. वेलवेटची पँट घातल्यानंतर त्यावर फ्लॉवर प्रिंट असेला शर्ट घालता येईल. तो शक्यतो इनच करावा.
वेलवेटच्या पँटमध्ये रंगांचे पर्याय तसे कमी असतात. उदा. वांगी, काळा, बरगंडी, जांभळा इत्यादी. महत्त्वाच म्हणजे, पँट निवडताना असेत गडद रंग घ्या. त्यावर फिक्या रंगाचा कोणताही टॉप उठून दिसतो.
जीन्स आणि टॉपवर वेलवेटचं पूर्ण बाह्यांचं जॅकेट उत्तम पर्याय आहे. कॉलेज पार्टी, आउटिंग तसंच ऑफिसमध्येही हे कॉम्बो चांगलं दिसतं.
वेलवेटच्या ड्रेसवर दागिने कोणते घालावेत हा तसा गोंधळात टाकणार प्रश्न आहे. एक इथं लक्षात ठेवा, मुळात वेलवेट हे चमकणारं फॅब्रिक असल्यानं दागिनेही चमचमणारे नकोत. मोती, स्टोन, हिर्‍याचे दागिने वेलवेटच्या ड्रेसवर नकोतच. मेटलच्या एक्सेसरीज ट्राय करून पाहा. मेटलची लांब चेन वनपीसवर चांगली जाईल. मेकअपही साधा ठेवा.
हिवाळा आणि पावसाळ्यात वेलवेटचे कपडे बाहेर काढा. एकतर त्यानं उबही मिळते आणि त्याच रंग-मटेरियल डोळ्यांना छान वाटतात.
साडीमध्येही वेलवेट वापरता येतं. वेलवेटचा गडद रंगांचा ब्लाउज आणि त्याच रंगछटेतील साडी हे कॉम्बो करून पाहा. नेटची साडी आणि वेलवेटचा ब्लाउज हॉट पर्याय आहे. अन्यथा, साडीला किनार म्हणून वेलवेटची लेस लावता येईल. काही सेलेब तर नेटची साडी आणि त्याचा संपूर्ण पदर वेलवेटचा अशी फॅशन कॅरी करतात.