प्राण प्रतिष्ठा: प्रथम आपल्या इष्ट देवतांना हळदकुंकू वाहून देवापुढे विडा ठेवावा. विड्याची दोन पाने, त्यावर सुटे पैसे व त्यावर 1 सुपारी ठेवून देवाला नमस्कार करावा. गुरुजींना म्हणजे आपल्या उपाध्यायांना व वडिलमंडळींना नमस्कार करुन आसनावर बसावे. नंतर उपाध्यायांनी चौरंगावर अक्षता ठेवून त्यावर हरितालिकेच्या दोन मूर्ती ठेवून नंतर वाळूचे लिंग तयार करावे. नंतर प्राण प्रतिष्ठा करावी.
अथ प्राणप्रतिष्ठाप्रारंभ: । संपूर्ण प्राण प्रतिष्ठेचे मंत्र होयपर्यंत मूर्तीच्या हृदयाला हात लावून ठेवावा.
अस्य श्री प्राण प्रतिष्ठामंत्रस्य ब्रह्माविष्णुमहेश्वरा ऋषय: । ऋग्यजु: सामाथर्वाणि छंदांसि। पराप्राणशक्तिर्देवता। आं बीजम्। र्हीं शक्ति: । क्रों कीलकम्।
वरील दिलेल्या नाममंत्राने देवास गंध, अक्षता व फुले वाहावी. नंतर उदबत्ती ओवाळावी. निरांजन ओवाळावे. दुधाचा नैवेद्य दाखवावा. नंतर दोन विडयाची पाने व सुपारी वर दक्षिणा ठेवावी . नमस्कार करुन डाव्या हातात पळीभर पाणी घेऊन उजव्या हातावरुन ताम्हणात पाणी सोडावे.
ज्या वेळेस वरील प्राणप्रतिष्ठा करणे अशक्य असेल त्या वेळी ( अस्यै प्राणाः ) हा मंत्र म्हणून प्राणप्रतिष्ठा करावी
॥ अथ पूजाप्रारंभः ॥
प्रथम आपल्या इष्ट देवतांना हळदकुंकू वाहून देवापुढे विडा (विडयाची पाने दोन त्यावर एक सुपारी) ठेवून देवाला नमस्कार करावा. गुरुजींना म्हणजे उपाध्यायांना व वडील मंडळींना नमस्कार करुन आसनावर बसावे. नंतर पूजेला सुरुवात करावी.
द्विराचम्य ० पुढे दिलेल्या चोवीस नावांपैकी पहिल्या तीन नावांचा उच्चार करुन प्रत्येक नावाच्या शेवटी संध्येच्या पळीने उजव्या हातावर पाणी घेऊन प्राशन करावे. चौथ्या नावाचा उच्चार करुन संध्येच्या पळीने उजव्या हातावर पाणी घेऊन उदक सोडावे. याप्रमाणे दोन वेळा करावे.
(ताम्हणात उदक सोडावे) पुढील तीन मंत्रांनी पळीमध्ये गंध, अक्षता, फूल, पैसा, सुपारी घेऊन ताम्हनात पाण्यासह प्रत्येक मंत्राला एक अर्घ्य याप्रमाणे तीन अर्घ्ये सोडावीत .
(वरील मंत्रांनी ब्राह्मणाला गंध अक्षता, फूल व दक्षिणा देऊन हातावर पाणी सोडावे. नंतर ब्राह्मणाच्या मस्तकावर अक्षता वाहून नमस्कार करावा. नंतर पुढील मंत्राने ब्राह्मणाला सौभाग्यवायन द्यावे)