Guru Slokas गुरु श्लोक

प्रेरकः सूचकश्वैव वाचको दर्शकस्तथा।

शिक्षको बोधकश्वैव षडेते गुरवः स्मृताः॥

विनयफलं शुश्रूषा गुरुशुश्रूषाफलं श्रुतं ज्ञानम् ।

ज्ञानस्य फलं विरतिः विरतिफलं चाश्रवनिरोधः ॥

गुरौ न प्राप्यते यत्तन्नान्यत्रापि हि लभ्यते।

गुरुप्रसादात सर्वं तु प्राप्नोत्येव न संशयः॥

वेषं न विश्वसेत् प्राज्ञः वेषो दोषाय जायते ।

रावणो भिक्षुरुपेण जहार जनकात्मजाम् ॥

त्यजेत् धर्मं दयाहीनं विद्याहीनं गुरुं त्यजेत् ।

त्यजेत् क्रोधमुखीं भार्यां निःस्नेहान् बान्धवांस्त्यजेत् ॥

यः समः सर्वभूतेषु विरागी गतमत्सरः ।

जितेन्द्रियः शुचिर्दक्षः सदाचार समन्वितः ॥

योगीन्द्रः श्रुतिपारगः समरसाम्भोधौ निमग्नः सदा

शान्ति क्षान्ति नितान्त दान्ति निपुणो धर्मैक निष्ठारतः ।

शिष्याणां शुभचित्त शुद्धिजनकः संसर्ग मात्रेण यः

सोऽन्यांस्तारयति स्वयं च तरति स्वार्थं विना सद्गुरुः ॥

गुकारस्त्वन्धकारस्तु रुकार स्तेज उच्यते ।

अन्धकार निरोधत्वात् गुरुरित्यभिधीयते ॥