दातांच्या फटींत अडकलेले अन्नकण टूथपिकच्या साह्याने काढताना हिरड्यांना इजा होऊ शकते. हिरड्यांना सूज येणे, रक्त येणे यासारखे धोके संभवतात. टूथपिकमुळे दातांनाही धोका पोहोचतो.
* प्रत्येकवेळी एकाच जागी टूथपिकचा वापर होत राहिला तर दातांमधील फट वाढत जाते आणि तिथे अन्नकण अडकत राहतात. यामुळे दातांमध्ये कॅविटी होण्याचा धोका बळावतो.
* बर्याच जणांना टूथ पिक चावत बसण्याचा नाद असतो. मात्र, ही बाब दातांवरील सुरक्षा आवरणाला धोका पोहोचवणारी ठरते. प्लास्टिक अथवा लाकडाची टूथ पिक चावत राहिल्याने हे आवरण नाहीसे होते.
* अडकलेले अन्नकण जोर देऊन काढण्याच्या प्रयत्नात दातांच्या मुळांना धोका पोहोचू शकतो. दातदाढा आपल्या जागेवरुन हलतात आणि मुळे बाहेर येतात. यामुळे कमालीच्या वेदना सोसाव्या लागतात.
* दररोज टूथपिकचा वापर होत राहिल्यास दातांची चमक नाहिशी होते. दात पिवळसर दिसू लागतात.
* जास्त काळपर्यंत दातांमध्ये अन्नकण अडकून राहिले आणि नंतर टूथपिकच्या साह्याने काढले तरी तोंडाचा दुर्गंध कमी होत नाही. शिवाय टूथपिकने जखमझाल्यास अन्न-पाणी घेताना वेदना सहन कराव्या लागतात.
* टूथपिक अस्वच्छ आणि अयोग्य ठिकाणी ठेवलेली असल्यास ती तोंडात घातल्याने अनेक घातक विषाणू आणि जिवाणू तोंडात प्रवेश करतात. ही बाब काही रोगांना कारक ठरु शकते.